Dərslik Azərbaycan Respublikası Təhsil Nazirliyinin 1 noyabr 2004-cü IL tarixli 816 saylı əmri ilə təsdiq olunub

 

Əhməd Salahlı 

 

Yaradıcılığı Gəncə, AMDT və TİT ilə bağlıdır.  Səhnəyə ilk  dəfə  1911-cı ıldə 

Tiflis şəhərində çıxıb. O vaxtdan 1921-ci ilə kimi "İttihad" və "İbrət"  truppalarında, birləşmiş teatr 

dəstəsində aktyorluq edib. Tiflis Azərbaycan teatrı dövlət statusu alandan sonra müəyyən dövrlərdə 

(1922-1930 və 1941-1947) bu kollektivdə aktyorluq edib. Azərbaycan Respublikasının  əməkdar 

artisti (1940) olub. 

Əhməd Salahlı Tiflis teatrında dram tamaşalarında Arif və  İblis, Topal Teymur, Knyaz, 

Platon,  Əkrəm ("İblis", "Topal Teymur", "Knyaz", "Şeyx Sənan" və "Uçurum", Hüseyn Cavid), 

Məsud ("Əmir  Əbül Üla", Hüseyn Bədrəddin və  Məhəmməd Rüfət), Osip ("Müfəttiş", Nikolay 

Qoqol), Vaqif ("Vaqif", Səməd Vurğun), Gündüz ("Qız qalası", Rza Şahvələd), De Ponti ("İki 

yetimə",  Adolf D'Enneri və  Germon),  Molla Abuş ("Kef içində",  Böyükağa Talıblı),  Şeyx 

Əhməd və  İsgəndər ("Ölülər", Cəlil Məmmədquluzadə), Balaş ("Sevil", Cəfər Cabbarlı), opera və 

operetta  əsərlərində Nofəl, Süleyman ("Leyli və  Məcnun" və "Arşın mal alan", Üzeyir bəy 

Hacıbəyov) rollarını oynayıb. O, Tiflis teatrında rejissorluqla da məşğul olub və "Arşın mal alan", 

Etil Voyniçin "Ovod" ("Qan bayramı") əsərlərini, bir sıra digər pyesləri tamaşaya hazırlayıb. 

 

* * * 

 

---

Milli teatr tariximizin müstəvisində öz yeri olan Tiflis Azərbaycan Dövlət Dram Teatrının 

həm həvəskar truppalardan ibarət olduğu dövrlərdə, həm də sonraki fəaliyyət illərində onun inkişaf 

tarixinə görkəmli fədailərin adları yazılıb. Bunların arasında məşhur pedaqoq, müxtəlif teatr 

dəstələrində aktyorluq və rejissorluq edən Eynalı bəy Sultanovun, təşkiİatçı və rejissor Əbdürrəhim 

bəy Haqverdiyevin, teatrın tərəqqisinə  əvəzsiz yardımlar göstərmiş  Cəlil Məmmədquluzadənin, 

Nəriman Nərimanovun, jurnalistlər Məmmədağa  Şahtaxtlının (Şahtaxtinski),  Əliqulu Qəmküsarın, 

pedaqoq və dramaturq Rəşid bəy Əfəndiyevin, maarifpərvər ziyalılar Məmmədəli Sidqinin, Abdulla 

Xəlilovun, Məmmədcəfər Cəfərovun, İbrahim bəy Zeynalovun, Şahhüseyn (Hüseyn) Minasazovun, 

aktyorluğu peşə seçmiş,  İsmayıl  Əliyevin, Məmmədhüseyn  Əliyevin,  Əsgər  İsmayılovun, Yunis 

Nərimanovun,  Əziz Bədəlovun, Hüseyn Çıldırovun, Cəlil Cəmilovun, Qasım Bayramovun, 

Cahangir Həsənovun, Yəhya Məmmədovun, Həbib Köçərlinskinin,  İsmayıl Həqqinin, Abbasəli 

Kazımovun, Həsən Əhmədovun, Nadir İbrahimovun, Əlimirzə Nərimanovun, Əsgər Naxçıvanlının, 

Haşım Haşımovun, Məmməd Ağalarovun, Kərim Kərimovun... səhnə  fəaliyyətləri daha yaradıcı 

olub. 

Sonralar Bakıda aktyorluq və rejissorluq etmiş xalq artistləri Mustafa Mərdanovun, Rza 

Təhmasibin, Möhsün Sənaninin,  Əli Qurbanovun həvəskar truppanın peşəkarlığa doğru 

addımlamasında səmərəli əməkləri olub.