Dərslik Azərbaycan Respublikası Təhsil Nazirliyinin 1 noyabr 2004-cü IL tarixli 816 saylı əmri ilə təsdiq olunub

 

---

Səməd Mövləvi 

 

Naxçıvan teatrının aparıcı aktyorlarından olub, xalq artıstı  ıdı. Doviət teatrının ilk iki 

onilliyində rejissorluqla da məşğul olub. 1926-1931-ci illərdə teatrda baş rejissor işləyib. Realist və 

romantik üslublarda, həm monumental, həm də çağdaş səpkili formalarda tamaşalar hazırlayıb. 

Səməd Mövləvi musiqi əsərlərindən Üzeyir bəy Hacıbəyovun "Leyli və Məcnun", "Əsli və 

Kərəm" operalarını, "Arşın mal alan", "Məşədi  İbad" operettalarını, lirik məhəbbət faciələrindən 

Hüseyn Cavidin "Şeyx Sənan", qəhrəmanlıq faciələrindən Cəfər Cabbarlının "Od gəlini", Vilyam 

Şekspirin "Otello", "Hamlet", Fridrix Şillerin "Qaçaqlar", Şəmsəddin Saminin "Dəmirçi Gavə", 

tarixi faciələrdən Nəriman Nərimanovun "Nadir şah", psixoloji dramlardan Hüseyn Cavidin 

"Şeyda", "Knyaz", "İblis", Cəfər Cabbarlının "Sevil", "Yaşar", Vasili Şkvarkinin "Özgə  uşağı", 

Aleksandr  Şirvanzadənin "Namus", Aleksandr Ostrovskinin "Günahsız müqəssirlər", Sandro 

Şanşiaşvilinin "Anzor", komediyalardan Mirzə  Fətəli Axundzadənin "Hacı Qara", "Lənkəran 

xanının vəziri", Jan Batist Molyerin "Jorj Danden", tragikomediyalardan Cəlil Məmmədquluzadənin 

"Ölülər" əsərlərinin quruluşçu rejissoru olub. 

 

Isa Musayev 

 

Xalq artisti olub və teatrın aparıcı aktyorlardan biri kimi şöhrət qazanıb. Eyni zamanda 

istedadını quruluşçu rejissor kimi də  sınaqdan çıxarıb. 1930-1940-cı illərdə, teatrda peşəkar 

rejissorların çatışmadığı dövrdə Mirzə Fətəli Axundzadənin "Hacı Qara", Abdulla Şaiqin "Vətən", 

Süleyman Sani Axundovun "Eşq və intiqam", Osman Sarıvəllinin "Babək", Səməd Vurğunun 

"Vaqif" və "Fərhad və  Şirin", Zeynal Xəlilin "İntiqam", Məmmədhüseyn Təhmasibin "Aslan 

yatağı", Mirzə  İbrahimovun "Həyat" və "Məhəbbət", Üzeyir bəy Hacıbəyovun "Məşədi  İbad" 

əsərlərini tamaşaya hazırlayıb. 

 

Sidqi Ruhulla 

 

1910-1914-cü illərdə  dəfələrlə Naxçıvana uzunmüddətli qastrollara gəlib və yerli 

həvəskarlarla  Əbdürrəhim bəy Haqverdiyevin "Pəri cadu", "Dağılan tifaq", Nəcəf bəy Vəzirovun 

"Müsibəti-Fəxrəddin", Mirzə  Fətəli Axundzadənin "Xırs quldurbasan" pyeslərini tamaşaya qoyub. 

O, 1931-1932-ci il teatr mövsümündə  qısa müddət Naxçıvan teatrında direktor və  bədii rəhbər 

işləyib. Teatrda Nəriman Nərimanovun "Nadir şah", Cəlil Məmmədquluzadənin "Ölülər", Cəfər 

Cabbarlının "Od gəlini", "1905-ci ildə", "Sevil", Fridrix Şillerin "Qaçaqlar", Nikolay Qoqolun 

"Müfəttiş", Vilyam Şekspirin "Otello" əsərlərini tamaşaya hazırlayıb. Bu tamaşalar teatrın 

peşəkarlığının formalaşmasında səmərəli rol oynayıb.