Dərslik Azərbaycan Respublikası Təhsil Nazirliyinin 1 noyabr 2004-cü IL tarixli 816 saylı əmri ilə təsdiq olunub

HACIBABA BAGIROV (12 İYUN 1932) 

 

Səhnə yaradıcılığına dram aktyoru kimi başlayıb. Lakin yaradıcılığının estetik səciyyələri 

əsasən musiqili komediya janrı ilə bağlıdır. Hacıbaba Ağarza oğlu Bağırov 12 iyun 1932-ci ildə 

Bakıda doğulub. Aktyorluğa 1940-cı illərdə MDT-nin yardım heyətində başlayıb, burada üçillik 

aktyorluq studiyasını bitirib. 1948-ci ildə Lənkəran DDT-də aktyor işləməyə gedib və bir il sonra bu 

sənət ocağı bağlananda Bakıya qayıdıb. Bakı  Dəmir Yolu Texnikumunda oxuyub, bir neçə il 

---

müxtəlif mədəniyyət müəssisələrində çalışıb. 1960-cı ildə  Gəncə DDT-də aktyorluq edib. 1962-ci 

ildən isə MkT-nin truppasındadır. 

Arada özü müstəqil Tənqid və Təbliğ Teatrı yaradaraq onun bədii rəhbəri olub. 1996-cı ildən 

MKT-ya bədii rəhbər və direktorluq edir. 

Hacıbaba Bağırov dramatik hərəkətlər toplusuna və plastik rəqs elementlərinə malik 

aktyordur. O, mürəkkəb rəqs hərəkətlərini arioza və məzəli kupletlərlə paralel şəkildə ifa edir. 

Daxilən ehtiraslı  və coşğun aktyordur. Səhnədə dinamik ritm üzərində qurulan geniş 

miqyaslı mizanları xoşlayır. 

Qaravəlli tipli səhnə obrazlarında karnaval estetikası prinsiplərindən ustalıqla istifadə edir. 

Həmin yaradıcılıq prinsipləri əsasında yaratdığı başlıca rollar bunlardır: Muradxan bəy ("Əlli 

yaşında cavan", Zülfüqar bəy Hacıbəyov), Soltan bəy, Məşədi İbad ("Arşın mal alan" və "Məşədi 

İbad", Üzeyir bəy Hacıbəyov), Uzun ("Toy kimindir?", Məhərrəm Əlizadə və Ağası Məşədibəyov), 

İbişov, Dayandur ("Özümüz bilərik" və "O1madı elə, oldu belə",  Şıxəli Qurbanov və Süleyman 

Ələsgərov), Fəqan ("Səndən mənə yar olmaz", Məhərrəm  Əlizadə  və  Əşrəf Abbasov), Cəbi 

Cüməzadə ("Həmişəxanım", Salam Qədirzadə  və Süleyman Ələsgərov), Nadir ("Qızılgül", 

Məhərrəm  Əlizadə  və Soltan Hacıbəyov), Mitoş ("Hicran", Sabit Rəhman və Emin Sabitoğlu), 

Xudayar bəy ("Danabaş  kəndinin  əhvalatları", Cəlil Məmmədquluzadənin  əsəri  əsasında Cənnət 

Səlimovanın librettosu və bəstəkar Oqtay Kazımov), Hüseynqulu ("Sizinlə gülə-gülə", "Bildirçinin 

bəyliyi", "92 dəqiqə gülüş", Rüfət Əhmədzadə və Emin Sabitoğlu), Sevindik ("Sevindik qız axtarır", 

Şıxəli Qurbanov və Süleyman Ələsgərov),  Əsgər Nəcəfoviç ("Ləpələr",  Əliağa Kürçaylı  və Arif 

Məlikov), Molla Sübhan ("Boşanaq, evlənərik", Əliağa Kürçaylı və Vasif Adıgözəlov), kiko ("Keto 

və kote", Vladimir Dolidze), Qiya ("Tiflis nəğməsi", Levon Cubabiriya və Şota Milorava), Bostan 

("Təzə gəlin", Seyfəddin Dağlı və Cahangir Cahangirov), Qəhrəman ("Gözün aydın",   Məhərrəm  

Əlizadə  və  Fikrət  Əmirov),   Ağa  Süruş ("Hacı Kərimin Aya səyahəti", Qulamrza Cəmşidi ilə 

Əbülfəz Hüseyni və Azər Rzayev), Xandadaş ("Məmmədəli kurorta gedir", Atif Zeynalh və Tofiq 

Bakıxanovla Nəriman Məmmədov), Atakişi ("Bankir adaxlı", Tamara Vəliyeva və Emin Sa-

bitoğlu), Şeytan, Nəsir və Misir ("Lənət şeytana", Firudin Aşurov və Vasif Adıgözəlov), Bilal ("Qız 

görüşə tələsir", Adil Babayev və Tofiq Bakıxanovla Nəriman Məmmədov), Möhsün ("Ulduz", Sabit 

Rəhman və Süleyman Ələsgərov). 

Hacıbaba Bağırov 1 iyun 1974-cü ildə Azərbaycan Respublikasının əməkdar artisti, 1 dekabr 

1982-ci ildə xalq artisti fəxri adları ilə təltif olunub. Bir sıra bədii filmlərə çəkilib.