Məxfurə Yermakova
(1901 – 1982)
Əməkdar aktrisa idi. Səhnə fəaliyyətinə on üç yaşından Bakıda başlayıb. AMDT -də, TİT-də
işləyib. 1933 - 1946-cı illərdə Gəncə DDT-də aktyorluq edib. Məxfurə xanımın Gəncə teatrında
oynadığı əsas xarakterik rolları: Ayna xanım ("Özgə uşağı", Vasili Şkvarkin), Annetta ("Fahişə",
Vladimir Marqaret), Xanımnaz, Nabat ("Almaz" və "1905-ci ildə", Cəfər Cabbarlı), Bəxtəvər
("Qohumlar", Hacıağa Quliyev), Zabelina ("Kreml saatı", Nikolay Poqodin), Məhsəti ("Nizami",
Mehdi Hüseyn), Maral, Zalxa ("Xoşbəxtlər" və "Toy", Sabit Rəhman), Emilya ("Otello", Vilyam
Şekspir), Güldəstə ("Hacı Fərəc", Nəcəf bəy Vəzirov), İsına ("Babək", Əbil Yusifov), Ülkər
("Vəfa", Rəsul Rza), Fatmanisə ("Məhəbbət", Mirzə İbrahimov), Tükəzban ("Vaqif", Səməd
Vurğun), Sənəm ("Namus", Aleksandr Şirvanzadə), TükəZ ("Hacı Qara", Mirzə Fətəli Axundzadə).
1946-cı ilin sonlarında Məxfurə xanım Bakıya qayıdıb. Aktrisa bu dəfə yaradıcılığı üçün
yeni olan, tamaşalarının üslub və janrları, məzmun və formaları ilə seçilən Gənc Tamaşaçılar
Teatrında işləməyi qərarlaşdırıb. Ömrünün sonuna qədər həmin kollektivdə aktrisalıq edib.
Dostları ilə paylaş: |
