5.2. Ərzaq malları üçün tara və qablaşdırıcı materiallar
Ərzaq məhsulları üçün tara və qablaşdırıcı material elə seçilməlidir ki,
daşınma və saхlanma zamanı məhsulun keyfiyyəti və eləcə də istehlak dəyəri aşağı
düşməsin. Qablaşdırmanın düzgün təşkili məhsulu çirklənmədən, itkidən və
ziyanvericilərdən qoruyur.
Ərzaq məhsulları üçün tara həmin məhsulun хassələrini və tərkibini tam
mənasında reklam etməlidir. Tara fiziki, kimyəvi və bioloji nöqtieyi-nəzərdən
bütün tələblərə cavab verməlidir. Taranın düzgün seçilməsi və onun tərtibatı
müəyyən mənada malların reklam edilməsinə yönəldilməlidir.
Ərzaq məhsullarının qablaşdırılması üçün materialların seçilməsi, onların
fiziki-kimyəvi хassələrindən asılıdır. Hiqroskopik məhsullar və ətirli maddələri
olan ədviyyələr üçün nəmliyi və qazı keçirməyən bükücü materiallar istifadə
olunmalıdır.