Histopatologiya Epidermis çox zaman əsasda torvarı birləşmiş hüceyrələrin uzanması və yoğunlaş-
ması nəticəsində güclü qalınlaşmışdır. Kifayət qədər hiperparakeratoz müşahidə olunur.
Məməcikli qatda kapilyarlar genişlənmiş, üst qatda əsasən damarlarla birləşmiş limfosi-
tar infiltrat müəyyən edilir. Qırmızı yastı dəmrov və lixenifikləşmiş ekzemadan histoloji
fərqləndirmə (daha güclü spongiotik dəyişikliklər və ekzositoz) adətən çətinlik törətmir.
Differensial diaqnoz Sadə xroniki dəmrovun tipik ocaqları yuxarıda təsvir olunan “3 zonalı” quruluşa ma-
likdir. Atopik ekzemada lixenifikasiyalaşmış səpgilər çox zaman simmetrik olur, müəy-
yən yerlərdə daha çox lokalizasiya olunurlar, iltihab daha güclü olur və polimorfizm
daha çox olur. Atopik ekzemanın gecikmiş əlamətləri kimi ayrı- ayrı məhdud ocaqları
fərqləndirmək üçün İgE- nin miqdarı təyin olunmalıdır. Lixenifikasiyalaşmış xroniki ek-
zemanın digər formaları daha güclü iltihabi dəyişikliklərlə və həmişə üçzonalı quruluşun
olmaması ilə fərqlənir. Çətinlik qırmızı yastı dəmrovdan fərqləndirmə zamanı yarana
bilər, lakin bu zaman səpgilər həmişə poliqonal olur, mərkəzdə bir az batıqlıq müşahidə
olunur və bir qayda olaraq Uikhem fenomeninə malik olurlar.
Müalicə Yanaşı gedən xəstəliyin müalicəsi. Qaşınmanın antihistamin dərmanlar vasitəsilə ara-
dan qaldırılması.
Ən yaxşı nəticəni okklüziyon sarğı altında təyin olunan krem və məlhəm formasında
olan qlükokortikoidlər verir. Lixenifikasiyanın reqresindən sonra qlükokortikoid plastr-
lar və ya daha zəif preparatlar (advantan, dermatop) məsləhət görülür. Daha kiçik ocaq-
ları ocaqdaxili triamsinolon asetonid inyeksiyaları ilə müalicə edirlər. Əhəmiyyətli req-
resdən sonra daha aşağı konsentrasiyalı qlükokortikoidə keçirlər. Sonrakı müalicə üçün
ixtiol, həmçinin qətran (yumşaq sink pastasında 2-5 %- li daşkömür qətranı və ya təmiz
ixtiol) bir neçə gün müddətində təyin olunur. Müalicəyə dözümlü ocaqların müalicəsi
zamanı yumşaq rentgen şüalandırmadan istifadə edilir.
