Din-psixologiyasina-giris-son pdf

Məsud Azərbaycani və Seyid Mehdi Musəvi Əsl
Din psixologiyasına giriş

Xəzər Universitəsi Nəşriyyatı 2017

(C) Xəzər Universitəsi Nəşriyyatı, 2017 Bütün hüquqlar qorunur
Tərcümə: Famil Burxanoğlu Redaktə: Cavidan
İnsan mənəvi rahatlıq axtarışındadır. Din insana rahatlıq bəxş edir. Yalnız din sayəsində insan arzu olunan mənəvi
rahatlığa qovuşa bilər. Nur səhifəsi, I c., s.170

Məsud Azərbaycani və Seyid Mehdi Musəvi Əsl.

Din psixologiyasına giriş – Xəzər Universitəsi Nəşriyyatı, Bakı -2017, 192 səh.
İSBN 978-9952-20-114-7

Giriş 4
I Fəsil Ümumi anlayışlar 5

II Fəsil Psixoloqların dinlə bağlı nəzəriyyələri 30
II Fəsil Dindarlığın yönləri 83

4. 
   Fəsil Dindarlığın ölçülməsi 119
   
5. 
   Fəsil Dindarlığın təsirləri 157
   

İstifadə edilmiş ədəbiyyat siyahısı 187

Giriş

Din insan həyatının müxtəlif sahələrində ciddi rolu olan həqiqətlərdəndir. Dünşünaslıq da bu sahələrə uyğun olaraq müx- təliq qollara ayrılmışdır. Din psixologiyası dinşünaslığın dindar- lıqla sıx və qırılmaz əlaqəsi olan mühüm sahələrindəndir.

Din psixologiyasında dindarlıq fenomeninin psixoloji yönü, dindarlıq amilləri, səbəbləri, zəminləri, dindarlığın yönləri, ölçül- məsi, qiymətləndirilməsi, sosial və fərdi həyata təsirləri və nəti- cələri araşdırılır. Psixologiya dindarlığın tədqiqində malik olduğu bütün elmi imkanlardan istifadə edir, qabaqcıl tədqiqat metodları vasitəsilə dini fenomenləri elm mikroskopundan keçirir. Buna görə də din psixologiyasınə psixologiyanın sahə və bölmələrindən biri hesab etmək olar.
Hal-hazırda ABŞ Psixologiya Cəmiyyətinin nəzdində fəa- liyyət göstərən müstəqil bir şöbə din psixologiyası üzrə ixtisaslaş- mışdır və bu sahə elmi nəşriyyatların, veb saytların, müstəqil konfransların tədqiqat obyektinə çevrilmişdir. Din psixologiyasına diqqət elə yüksək həddə çatmışdır ki, dünyanın bir çox mötəbər universitetlərində rəsmi tədris fənni statusu almış, hətta bəzi elmi müəssisələrin ixtisas sahələrindən birinə çevrilmişdir.
Bu kitab psixologiya, ilahiyyat və dünşünaslıq ixtisasları üzrə magistr və doktorluq təhsili alan tələbələr üçün nəzərdə tu- tulmuşdur. Elm adamları ilə yanaşı cəmiyyətin digər təbəqələrinə aid insanların da bu kitabdan faydalanacağına ümid bəsləyirik.