187
DƏRDĠ
Dərdli olub dərd çəkənin
İstər həddi aşa dərdi.
Sığal çəkib üz-gözünə
Çox da çəkmə başa dərdi.
Onsuz qısadı ömrümüz,
Fələkdən görmədik bir üz,
Barı şad olsun könlümüz –
Al talağın, boşa dərdi.
Demə, Mahmud nə arsızdı,
Sirdaşlığa yararsızdı;
Həmdəmsiz qəlb baharsızdı,
Yüngülləşər qoşa dərdi.
Seçmə aşıq şeirləri
188
AġIQ ƏLĠ ÜRFAN (QULĠYEV)
(1949)
ÖLMÖRƏMMĠ
Haxdan gələn naxış-naxış
Sözdən ötrü, ölmörəmmi.!?
Xal düşmüyən al yanaxlı
Üzdən ötrü, ölmörəmmi.!?
Hanı Əsli kimi canan,
Kərəm təki oda yanan.
Bir baxışdan mətləb qanan
Gözdən ötrü, ölmörəmmi.!?
Məni yada salan dostlar,
Küsgün könlüm alan dostlar,
Köçən köçüf, qalan dostlar,
Sizdən ötrü ölmörəmmi.!?
Aşıq Əli deməz yalan,
Eşqə düşüf oldum talan.
Malım-mülküm, varım olan
Sazdan ötrü, ölmörəmmi.!?
|
