EcoVision
Yüklə 4,06 Mb. Pdf görüntüsü
|
|
42
EcoVision ƏSAS MÖVZU dəmiryol xəttini Asiya və Avropa nəqliyyat xəttinə birləşdirəcək strateji əhəmiyyətə malik limanlardır. BTQ vasitəsilə illik 1 milyon sərnişin və 15 milyon ton yük daşınması nəzərdə tutulur. Aktau–Urumçu dəmiryol xəttinin tamamlanması ilə bu xəttin BTQ ilə birləşdirilməsi nəzərdə tutulur ki, bu da dəmir yo- lunun Şərq–Qərb istiqamətində yük daşımaçılığı və ticarətində rolunu artıracaq. Qazaxıstan BTQ-yə illik 10 milyon ton karqo yükü verəcəyini açıqlamışdır. Tərəflər Çinin də BTQ karqo daşımaçılığına dəstək verməyini müzakirə edir. Digər tərəfdən, Türkiyə daxilində QarslaƏdirnə arasında sürətli dəmir yol xəttinin çəkilməsi də qərarlaşdırılıb və kredit ayrılıbdır. Türkiyə tərəfinin bu xətti uğurla başa çatdırmasından sonra BTQ ma- gistralı XXI əsrdə İpək yolunun çox vacib bir hissəsi olacaq. Azərbaycan, Rusiya və İran arasında Şimal-Cənub dəmir yolunun çəkilməsi üçün müqavilə imzalanmış- dır. Bu xətt də həyata keçəndən sonra BTQ-yə qoşu- lacaq.
Ümumiyyətlə, Azərbaycan regional və beynəlxalq güclərin bölgədə rəqabətindən çox əməkdaşlığında maraqlıdır. Bu mənada Azərbaycan regional və qlo- bal güclərlə münasibətlərini suverenlik və torpaq bütövlüyünə hörmət çərçivəsində qurur. Azərbaycanın Türkiyə ilə münasibətləri qardaşlıq və maraqların örtüşməsi üstünə qurulub. Regional siyasətdə Türkiyə Azərbaycan üçün mühüm bir stra- teji partnyordur. Azərbaycan–Rusiya münasibətləri də strateji müttəfiqliyə söykənir. Azərbaycan Qərblə Rusiya ara- sında davam edən geopolitik mübarizədə yer almaq və ya tərəf olmaq istəmir. Rusiya ilə münasibətlərini bu rəqabətdən qorumağa çalışır. Azərbaycan Prezi- denti İlham Əliyevin son Davos Zirvəsində dedikləri də buna nümunədir. Bu mənada Rusiya–Türkiyə münasibətlərinin rəqabətdən uzaq əməkdaşlıq çərçivəsində davam etməsi Azərbaycanın maraqlarına uyğundur. Bildiyi- niz kimi, həm Türkiyə, həm də Azərbaycan müstəqil xarici siyasət kursuna sadiq qalaraq Ukraynanın ərazi bütövlüyünü dəstəklədi, eyni zamanda Rusiyaya qarşı sanksiyalara dəstək vermədi.Çünki Azərbaycan işğal- çı Ermənistana qarşı bu sanksiyaları tətbiq etməyən Aİ-nin bu siyasətini ikili standartın təzahürü kimi qiymətləndirir. Azərbaycanın xarici siyasətində iqtisadiyyat və ticarətin rolunu görmək üçün regional layihələrdə al- dığı rola baxmaq kifayətdir. Azərbaycanın həm Türkiyə və Gürcüstanda, həm də Rusiyada mühüm sərmayə yatırımları var və bu ölkələrlə ticari-iqtisadi əlaqələrin inkişafını sadəcə sözdə deyil, əməldə də dəstəkləyir. Rusiya Qərbin tətbiq etdiyi sanksiyalardan qorun- maq üçün qonşu dövlətlərlə münasibətlərini inkişaf etdirməyə çalışır və bu səbəbdən Rusiya rəsmilərinin son aylarda qonşu dövlətlərə səfərləri artmışdır. Rusiya Federasiyasının Prezidenti Vladimir Putinin Türkiyəyə son səfərində tərəfləri ən çox maraqlandı- ran iqtisadi-ticari münasibətlərin inkişafı oldu. Türkiyə Rusiya təbii qazının Avropaya getməsi üçün alter- nativ istiqamətdir. Putin Türkiyə səfərində Ukrayna üstündən Avropaya satacağı təbii qaz boru xəttinin istiqamətini dəyişdirərək Türkiyədən keçirəcəyini açıqladı. Türkiyə qonşu ölkələrlə bu istiqamətdə əlaqələrini inkişaf etdirərək Qərbdən iqtisadi asılılığını azaltma- ğa çalışır. Türkiyə Avrasiya İttifaqına üzv olan ölkələrlə iqtisadiyyatına dəyəcək ziyanın qarşısını almaq üçün İttifaqla müqavilə imzalamaq istəyir. Türkiyə artan enerji tələbatını qarşılamaq üçün Rusiya ilə ener- ji əlaqələrini inkişaf etdirmək istəyir. Putinin səfəri zamanı təklif olunan Türk Axımı layihəsi, Türkiyəyə veriləcək qazın qiymətinin azaldılması və həcminin ar- tırılması Ankara üçün müsbət oldu. Türkiyə Rusiya ba- zarında Qərb şirkətlərinin yerini doldurmaq, sanksiya- lara qoşulmayaraq Rusiyaya ixracatını artırmaq istəyir. Qısacası, artıq Türkiyə–Rusiya münasibətlərində so- yuq müharibə dövrünün qanunları işləmir.
Yüklə 4,06 Mb. Dostları ilə paylaş:
|