Köçürmə tədbirləri fövqəladə hallarda əhalinin mühafizəsinin ən səmərəli üsullarından biridir. Sülh və müharibə dövründə əhalinin təhlükəsizliyini təmin etmək üçün Azərbaycan Respublikası Mülki Müdafiə qərargahı tərəfindən hazırlanmış və Azərbaycan Respublikası Müdafiə Nazirliyi, Daxili İşlər Nazirliyi, Səhiyyə Nazirliyi, Dəmir yolu İdarəsi, «Azəravtonəqliyyat» Dövlət Konserni ilə razılaşdırılmış «Sülh və Müharibə dövrlərindəki fövqəladə hallarda Azərbaycan Respublikasında əhalinin köçürülməsi haqqında Əsasnamə»yə uyğun həyata keçirilir. Köçürmə - insanların həyatı və fəaliyyəti üçün təhlükə yaranan rayonlardan əhalinin mütəşəkkil surətdə təhlükəsiz rayonlarda (zonalarda) yerləşdirilməsi üzrə tədbirlər kompleksidir.
