Elekтr energiyani ishlab chiqarish, uzaтish va тaqsimlash elektr energiyani ishlab chiqarish

Simlarning ko‘ndalang kesimini tanlash
Elektr energiya iste’molchilarini elektr bilan ta’minlashda o‘tkazgich materiallar sifatida alumin va misdan yasalgan similar ishlatiladi. Elektr energiya iste’molchilarining quvvatlarini hisoblashda simlarning ko‘ndalang kesimi hisobga olinadi. Sanoat korxonalarida ko‘ndalang kesimi yuzasi 0,5 ; 0,75; 1,0; 1,5; 2,5; 4; 6; 10; 16; 25; 35; 50 mm² bo‘lgan simlar ishlab chiqariladi. Тanlangan simlarning mexanikaviy chidamliligi, uzoq vaqt xizmat qilishi, kuchlanishning yo‘qolishi juda kam bo‘lishi hisobga olinadi. Simlarda kuchlanish yo‘qolishi quyidagicha hisoblanadi:
∆U = Ip · R cos ϕ,
bu yerda: Ip ≤ Idop . Simdan o‘tadigan Ip tok simlardan o‘tkazish mumkin bo‘lgan Idop dan kam yoki teng bo‘lishi kerak.
Ikki simli tarmoqlarda qarshilik: bu yerda: L – liniyaning uzunligi, m; q – simning ko‘ndalang qismidagi yuza, mm²; γ — solishtirma o‘tkazuvchanlik,
Alumin simlar uchun γ = 33, mis simlar uchun γ = 54.
Yo‘qolgan kuchlanish quyidagicha aniqlanadi:

Bir fazali tokopriyomniklarni elektr bilan ta’minlanganda elektr tarmoqlarining oxirida kuchlanish yo‘qolishi 5%dan ortiq bo‘lishi mumkin emas.


O‘ZGARUVCHAN TOKKA OID UMUMIY TUSHUNCHALAR
Sanoatda o‘zgaruvchan tokdan foydalaniladi. O‘zgaruvchan tok o‘zgarmas tokka nisbatan bir qancha afzalliklarga ega. Birinchidan, o‘zgaruvchan tokni ishlab chiqaradigan generatorlarning FIK ancha yuqori. Ikkinchidan, o‘zgaruvchan tok kuchlanishini transformatorlar orqali o‘zgartirilganda tok kam isrof bo‘ladi, bundan tashqari, o‘zgaruvchan tok dvigatellari sodda tuzilgan.
Yo‘nalishi va kattaligi ma’lum vaqt ichida o‘zgarib turadigan tokka o‘zgaruvchan tok deyiladi. Agarda uning oniy qiymati va yo‘nalishi teng vaqt oralig‘ida (davriy) takrorlansa (o‘zgarsa), unda davriy o‘zgaruvchan tok deyiladi.
Barcha ishlab chiqariladigan mahsulotlar kabi elektr energiyasining ham sifat ko‘rsatkichlari mavjud. O‘zgaruvchan tokning sinusoidalligi mana shu sifatni aniqlovchi ko‘rsatkichlardan biridir.
Umuman olganda, faqat sinusoidal shaklda o‘zgaradigan tokgina emas, balki boshqa shaklda, masalan, uchburchak shaklida o‘zgaradigan tok ham o‘zgaruvchan tok deyiladi. Bunda tok kattaligi faqat davriy ravishda o‘zgarishi lozim. Hisoblash texnikasida, radioteleapparaturalarda arrasimon, to‘rtburchak shakldagi o‘zgaruvchan tokdan foydalaniladi. O‘zgaruvchan tokning oniy qiymati i harfi bilan belgilanadi va quyidagi formula bilan ifodalanadi:

bu yerda: I_max – o‘zgaruvchan tokning eng katta (amplituda) qiymati; φ – o‘zgaruvchan tokning boshlang‘ich fazasi; ω – aylanma chastota; t – vaqt.
Sinusoidal tokning to‘la takrorlanish vaqti davr deyiladi va Fharfi bilan belgilanadi (5-rasm). Davr graduslarda yoki soniyalarda o‘lchanadi. Davrga teskari kattalik o‘zgaruvchan sinusoidal tokning chastotasidir:

5-rasm.
Chastota o‘zgaruvchan tokning o‘zgarish tezligini ifodalovchi kattalik bo‘lib, 1 soniyadagi tebranishlar soniga teng. Sinusoidal tokning oniy qiymati ifodasiga burchak chastota kiritilgan. Bu kattalik chiziqli chastota orqali quyidagicha ifodalanadi:

Davriy chastota amalda burchak chastota deb ataladi va bu o‘zgaruvchan funksiyalar vektorlarining burchak tezligini anglatadi. Ma’lumki, burchak tezlik vaqt ichida vektor burilish burchagi va shu vaqtning nisbati bilan aniqlanadi:

Sanoatda tok chastotasi 50 Hz ga teng bo‘lgan tokdan foydalaniladi. Xalq xo‘jaligining ba’zi tarmoqlarida boshqa chastotali toklardan ham foydalaniladi. Tok chastotasi bir chastotadan boshqasiga o‘zgartirgichlar yordamida o‘zgartiriladi.