Ailə psixologiyası hazırda müasir psixologiya elminin müstə- qil sahələrindən birinə çevrilmişdir. Sosiologiya, etnoqrafiya, yaş psixologiyası, diferensial psixologiya, şəxsiyyət psixologiyası, cinsi fərqlər psixologiyası və s. kimi elm sahələrinin qovşağında meyda- na gəlmiş ailə psixologiyası ailənin psixoloji cəhətdən öyrənilməsi məqsədini qarşıya qoyur.
Şəxsiyyətin ailə sistemində öyrənilməsi vəzifələrini təmin etmək üçün ailə psixologiyası bir sıra spesifık tədqiqat metodlarına istinad edir. Bunlann sırasında psixologiya elminin ənənəvi metodları hesab edilən müşahidə və eksperiment kimi emprik metodların müstəsna rolu vardır. Bundan başqa ailənin öyrənilməsi üçün söhbət -müsahi- bə, “ana gündəlikləri”, “əkizlər”, müayinə edilənlərə aid sənədlərin və onlarm fəaliyyət məhsullarının təhlili, bioqrafik (şəxsiyyətin hə- yat yolu haqqında məlumatlann toplanması və onlann təhlili), erkən uşaqlıq xatirələrinin təhlili, uşaqlarm və yaşlıların əl işləri, ailə üzvlərinin xatirələri, yazılı qeydləri və gündəlikləri başlıca metodlar hesab edilir. Ailənin psixoloji baxımdan öyrənilməsi bu və ya digər metod çərçivəsində bir sıra diaqnostik metodlara istinad edilməsini tələb edir. Bu səbəbdən və tədqiqatm qarşısmda duran diaqnostik vəzi- fələrdən asılı olaraq bir sıra standartlaşdırılmış və standartlaşdırıl- mamış metodikalardan istifadə edilir.
