Entity Framework 6

Ma’lumotlar tipi (tip, type) — qiymatlar va ular ustida aniqlangan amallar to‘plami
Metod  (metod, method) — muayyan klass yoki ob’ektga tegishli funksiya yoki protsedura. Metod biror amalni bajarish uchun zarur bo‘lgan bir nechta operatorlardan iborat bo‘lib, kiruvchi argumentlarga ega bo‘lishi mumkin.
Element (suщnost, entity) — real hayotdagi biror ob’ekt.
MySQL – erkin foydalaniladigan ma’lumotlar bazasi boshqaruv tizimi.
ADO.NET – Microsoft .NETga asoslangan ma’lumotlarga dostupni ta’minlovchi texnologiya.
Entity SQL – SQL tiliga o‘xshash til hisoblanib, Entity Framework da konseptual modellarda so‘rovlarni amalga oshirishga mo‘ljallangan.
LINQ to Entities – LINQ vositalari orqali ma’lumotlar bazasiga murojaat qilish interfeysi.
Model First – Vizual muharrir asosida edmx model va ma’lumotlar bazasini shakllantirish texnologiyasi.
Code First – C# tilida yozilgan model kodi asosida ma’lumotlar bazasini shakllantirish texnologiyasi.
Database First –  Ma’lumotlar bazasi asosida edmx modelni shakllantirish texnologiyasi.

1. 
   Entity Framework ga kirish
   

Entity Framework – .NET freymvorki asosida ma’lumotlar bilan ishlashni ta’minlovchi maxsus ob’ektga yo‘naltirilgan yondashuvni ifodalaydi. Agar an’anaviy ADO.NET vositalari orqali DBga ulanishlar, sql-buyruqlar va boshqa shu turdagi ob’ektlar orqali DB bilan ishlash amalga oshirilsa, Entity Framework orqali yuqori darajadagi abstraksiya hosil qilinib, DB va undagi ma’lumotlarni saqlagichlar tipidan qat’iy nazar abstraksiyani tashkil qilishga imkon yaratadi.
Entity Framework da agar fizik darajada biz jadval, indeks, birlamchi va ikkilamchi kalitlar bilan ish ko‘rsak, konseptual darajada ob’ektlar ustida amal bajariladi.
Entity Framework - 1.0 versiya – 2008 yil yaratilgan bo‘lib, chekli funksionalga ega bo‘lib, oddiy ORMni va DB bilan ishlashda faqatgina Database First yondashuvni amalga taklif qilgandi.