Entity Framework 6

UserContext klassi DbContext klassi orqali IDisposable interfeysini tadbiq qilgani uchun, UserContext bilan ishlashda using konstruksiyasidan foydalanishimiz mumkin. using konstruksiyasida ikkita User ob’ekti hosil qilingan va ular DBga saqlangan:
db.Users.Add(user1);
db.Users.Add(user2);
db.SaveChanges();


DB dan ma’lumotlar ro‘yxatini olish uchun ma’lumotlar kontekstidagi Users xususiyatidan foydalanish yetarli: var users = db.Users;
Dastur ishga tushirilgach, konsolga quyidagi natija hosil qilinadi:
Ob’ektlar DBga saqlandi
Ob’ektlar ro‘yxati:
1.Tom - 33
2.Sam - 26


Entity Framework vositalari orqali DB ob’ektlarini oddiy va qulay boshqarish ta’minlanadi. Bunda biz DB va unda mos jadvallarni hosil qilishimiz shart emas. Ushbu amallarni barchasini Entity Framework o‘zi ma’lumotlar konteksti va modellar asosida bajaradi. Agar bizda DB mavjud bo‘lsa, Entity Framework uni qayta yaratmaydi.
Bizning vazifamiz DB da saqlanishi lozim bo‘lgan modelni va kontekstni aniqlash hisoblanadi. Shuning uchun ushbu yondashuv Code First deb nomlangan. Ya’ni avvalo kod yoziladi, so‘ngra unga mos DB va jadvallar hosil qilinadi.
DB qayerda saqlanadi? Loyihadagi ma’lumotlar konteksti va modellarga mos DB ni Visual Studio dagi Database Explorer oynasidan yoki SQL Server Management Studio maxsus boshqaruv vositasidan ko‘rish mumkin.



DB ni Visul Studio dan ko‘rish uchun menyuning View->Other Windows->Database Explorer qismini tanlashimiz lozim. So‘ngra hosil qilingan Database Explorer oynasidan Connect to Database ni tanlab yangi bazaga ulanishni amalga oshiramiz.



DB ga ulanish muloqot oynasida server sifatida (localdb)\v11.0 ni tanlaymiz yoki muayyan DB joylashgan manzilni ko‘rsatamiz. DB fizik fayllari C:\Program Files\Microsoft SQL Server\MSSQL11.SQLEXPRESS\MSSQL\DATA katalogida joylashgan bo‘lishi mumkin. Bizning misolda DB – DbConnection.mdf kabi faylda saqlanadi.

2. 
   Ma’lumotlar bilan ishlash. Yondashuvlar
   

Mavjud ma’lumotlar bazasiga Code First
Birinchi bo‘limda Entity Framework ga asoslangan birinchi dasturda biz Code First yondashuvdan foydalandik. Ushbu yondashuv juda oddiy, qulay va moslashuvchan hisoblanadi. Ko‘p hollarda loyiha yaratilayotgan vaqtda DB mavjud bo‘ladi. Ushbu holda ham Code First yondashuvdan foydalanish mumkin. Ba’zi dasturchilar ushbu yondashuvni Code Second deb yuritishadi. Yuqoridagi mulohazalarni misolda ko‘rib chiqamiz.
Avvlao yangi loyihani yaratamiz. So‘ngra loyiha uchun DB ni hosil qilamiz. Visual Studio da menyuning View->Other Windows->Database Explorer qismini tanlaymiz. Undagi Database Explorer oynasidan yangi bazaga Connect to Database qismni tanlash lozim: