1. Nəzəri innovasiyalar: Buraya təlim-tərbiyə prosesində istifadə olunması nəzərdə tutulan qanunauyğunluqların, prinsiplərin, tələblərin, üsulların, yolların, priyomların, elmi fərziyyələrin nəzəri əsaslarının müəyyənləşdirilməsi daxildir. Hansı ki, bu nəzəri əsaslar aparılan elmi tədqiqatlar, araşdırmalar, eksperimental işlər nəticəsində nəzəriyyə şəklində sistemləşdirilir.
2. Praktik (təcrübi) innovasiyalar: Buraya didaktikanın ayrı-ayrı sahələrində, tərbiyə prosesində və məktəbin idarəolunmasında tətbiq olunan yeni innovasiya, kommunikasiya texnologiyalarından audial, vizual, audovizual vasitələrdən, kompüter texnologiyalarından, yeni metodikalardan, yeni qaydalardan, proqram və layihələrdən praktik əsaslar üzrə istifadə olunması daxildir. Elmi pedaqoji ədəbiyyatda innovasiya yeniliklərinin “mütləq yenilik”, “nisbi yenilik”, “qondarma yenilik”, “yalançı yenilik” növləri də təhlil olunur və innovasiyalardan formal şəkildə istifadə olunmasının yolverilməz olduğu qeyd olunur. Bütün bunları nəzərə alaraq innovasiyaların “yenilikgətirmə” kimi təqdim olunduğu hazırki şəraitdə onları aşağıdakı növlərini göstərmək olar:
