Fan/modul kodi botb112 O‘quv yili 2023-2024 Semestr

 
II. Asosiy nazariy qism (ma’ruza mashg‘ulotlari) 
II.I. Fan tarkibiga quyidagi mavzular kiradi: 
1-Modul. Botanika (
o‘simliklar anatomiyasi va morfologiyasi
) 
1-mavzu. Kirish. 
Botanika fanining ob’ekti va predmeti. Botanika fanining rivojlanishi tarixi 
va uning metodlari. Botanika fanining vazifalari. Botanika fanining boshqa 
fanlar ichidagi mavqei.
2-mavzu. O‘simlik hujayrasi 
O‘simlik hujayrasining tuzilishi. Ularning shakllari va o‘lchamlari. 
Parenxima va prozenxima hujayralari. Hujayra qobig‘i. Sitoplazmatik 
menbrana (plazmalemma). Sitoplazma (protoplazma). Protoplast. Organoidlar. 
O‘simlik hujayrasining hayvon hujayrasidan farq qiluvchi asosiy belgilari. 
Hujayra vakuolasining tarkibiy qismi. O‘simlik hujayrasi po‘stining tuzilishi, 
kimyoviy tarkibi va biologik ahamiyati.
 
Sekret va sutsimon moddalarning 
hujayra tarkibidagi ahamiyati. Hujayraning rivojlanish bosqichlari. Hujayra 
po‘stining tuzilishi, kimyoviy tarkibi va biologik ahamiyati.
 
Matseratsiya 
hodisasi. O‘simlik hujayrasi tarkibidagi organoidlarning xossalari. Sekret va 
sutsimon moddalarning hujayra tarkibidagi ahamiyati. Hujayraning bo‘linishi: 
amitoz, mitoz va meyoz. 
 

---

3 
3-mavzu. O‘simlik to‘qimalari 
To‘qima, uning ta’rifi va tasnifi. Hosil qiluvchi to‘qima - meristema. Uchki, 
yon, bo‘g‘im oralig‘i meristemalari. Initsial hujayralar va ularning faoliyati. 
Birlamchi va ikkilamchi meristema to‘qimalari (prokambiy, peritsikl, kambiy, 
fellogen). Qoplovchi to‘qima. Uning ta’rifi, xillari va vazifalari.
Mexanik to‘qima. Mexanik to‘qimalarning xillari va ularning funksiyalari. 
Kollenxima. Sklerenxima. Lub tolalari. Yog‘ochlik tolalari. Asosiy 
(assimilyasion, g‘amlovchi) to‘qimalar. Assimilyasion to‘qima. Uning o‘simlik 
tanasida joylashuvi, tuzilishi va funksiyasi. Ajratuvchi to‘qimalar va 
aerenxima. Ajralib chiqadigan modda guruhlari: efir moylari, fitonsidlar, 
kislotalar, sut shirasi, terpenlar, polisaxaridlar va boshqalar. Aerenxima – havo 
o‘tkazuvchi to‘qimalar va ularning ahamiyati.