Farg‘ona politexnika instituti

V. Havfsizlik texnikasi, mehnat va atrof muhit muhofazasi chora-tadbirlar
Bog‘lovchi moddalar ishlab chiqarishda binolar havosidagi chang va namlikning ortishi, quritish barabanlari va tegirmonlarining ishonchsiz issiqlik izolyasiyasi noqulay ish sharoitlarini keltirib chiqaradi. CHangga qarshi kurashish uchun barcha konstruktiv uskunalar va mexanizmlar mahkam, qattiq, muhrlangan yopiq metall kassetalarga joylashtirilishi kerak.Gazlar hosil bo‘ladigan joylarda umumiy ventilyasiyadan tashqari mahalliy ventilyasiyani ham tashkil qilish kerak. Tutun gazlar va havoni 99% gacha tozalashga kafolat beradigan eng samarali chang-yig‘ish qurilmalardan foydalanish talab etiladi. Mexanizmlarning barcha aylanuvchi qismlari ishonchli himoyalangan bo‘lishi kerak. Korxonada xizmat xodimlarini muayyan uskunani ishga tushirish haqida ogohlantiruvchi tovush va yorug‘lik signalizatsiyasi tizimiga ega. Barcha tok o‘tkazuvchi qismlar (ichki kabellar, o‘chirgichlar va boshqalar.) izolyasiya qilinishi kerak. Xavfsiz mehnat sharoitlarini yaratish texnologiyani yanada takomillashtirish, barcha ishlab chiqarish jarayonlarini to‘liq avtomatlashtirish orqali ta’minlanishi lozim.

Ishlab chiqarish asbob-uskunalariga qo‘yiladigan xavfsizlik talablari

Ishlab chiqarish asbob-uskunalarini montaj qilish, foydalanish va ta‘mirlash paytida ishlarning xavfsizligini ta‘minlashi, yong‘in va portlash xavfidan holi bo‘lishi, ulardan foydalanish jarayonida atrof muhitni zararli moddalar bilan sanitariya me‘yorlaridan ortiq miqdorda ifloslantirmasligi va namlik, quyosh radiatsiyasi, mexanik tebranishlar, bosim va haroratning o‘zgarishlari natijasida xavf-xatar yuzaga keltirmasligi lozim.

Ishlab chiqarish asbob-uskunalarining harakatlanuvchi qismlari GOST 12.2.062-81 talablariga muvofiq blokirovkalash, to‘xtatish, xabardor qilish tizimlari bilan jihozlangan bo‘lishi lozim. Ishlab chiqarish asbob-uskunalarining elementlari (elektr o‘tkazgichlari, o‘tkazish quvurlari, kabellari va boshqalar) ularning shikastlanishiga imkon bermaydigan xolatda tayyorlangan bo‘lishi lozim.