ko'p, kam, oziq-ovqat, biroz, sal, picha, qittak, hiyol kabi.
2. Daraja ravishi harakat va belgi ma'nosini kuchaytiradi: juda, g'oyat, nihoyatda, har qancha, obdon, ozmuncha, aslo, hech kabi. Miqdor-daraja
ravishlari gapda ko'pincha hol vazifasida qo'llanadi. Masalan: Kechga yaqin biroz charchadik. Ba'zan aniqlovchi yoki kesim vazifasida qo'llanadi. Masalan:
Ko'p o'qigan, ko'p bilar. Bu yil hosil mo'l. Miqdor ravishlari otlashib, son,
egalik va kelishik qo'shimchalarini oladi. Gapda ega, to'ldiruvchi, qaratqich
vazifalarini ham oladi. Masalan: bir piyola choy bahonasida, ko'plar bilan miriqib gaplashib oldik (I.R). 3. Payt ravishi. Payt ravishi ish-harakatning bajarilish paytini bildirib, qachon?,
qachongacha?, qachondan? kabi so'roqlariga javob bo'ladi. Endi, erta, avval, dastlab, tunov kun, qadim, burun, yiliga, yaqinda, tongda, kechqurun, bahorda, yildan yilga, qishin-yozin, erta-kech kabi so'zlar payt ma'nosini
ifodalaydi. Masalan: bu yerda kunduzi bolalar, kechqurun kattalar bilim olishadi. Payt ravishlari gapda payt holi vazifasida keladi. Masalan: hozir choy qaynaydi, chaqchaqlashib tong orttiramiz (S.A.). Ba'azan kesim vazifasida
qo'llanishi ham mumkin. Masalan: Biz borganda vaqt kechqurun edi. 4. O'rin ravishi. O'rin ravishi ish-harakatning bajarilish o'rnini bildiradi va qayerda?,
qayerdan?, qayerga? kabi so'roqlariga javob beradi. O'rin ravishini oldinda, uzoqda, yaqinda, pastda, nari, quyiga, soy bo'yida, tong payti dalada, qishloq tomorqalarida, bu yoqqa kabi so'zlar hosil qiladi. O'rin ravishi gapda
hol vazifasida qo'llanadi. Masalan: Tog' cho'qqilari uzoqdan ko'rinib turibdi.
