Feldşer ixtisası üzrə yeni nümunəvi suallar 1 Uşaqda qlomerulonefritin yaranmasına səbəb olan xəstəlik hansıdır?

189) Təmas dermatitində qıcıqlandırıcı dəriyə hansi yolla keçərək təsir edir?
Təmas dermatiti qıcıqlandırıcı dəri ilə təmasda olduğu yerdə və xəstənin yaşından, cinsindən, fərdi xüsusiyyətlərindən asılı olmayaraq baş verir. Dərinin ən üst qatı olduğundan ilk təsirə epidermis məruz qalır.
Ədəbiyyat: Б. И. Зудин. Кожные и венерические болезни. Москва - «Медицина» 1990 (səh. 38)
190) Kəskin övrənin klinik əlamətlərinə hansı aid deyil?
Övrə toksikoallergik, polietioloji dəri xəstəliyidir. Kəskin övrə çoxsaylı köpüşüklü səpkilər və güclü qaşınma ilə müşayiət olunur. Səpkilər hətta ağız boşluğunun selikli qişasında, qırtlaqda olub, tənəffüsü və udmanı çətinləşdirə bilər. Qarında ağrılar, subfebril temperatur, titrətmə, nevrotik vəziyyət xarakterikdir.
Ədəbiyyat: Кожные и венерические болезни. Руководство для врачей. Под редакцией Ю. К. Скрипкина, М. , Медицина, 1995, т. 2. (səh. 98)
191) Vezikul (qovuqcuq) əmələ gəlməsi və sulanma aşağıdakılardan hansı üçün xarakterikdir?
Ekzema polimorf səpkili, çox geniş yayılmış, uzun gedişə malik allergik dəri xəstəliyidir, kiçik qovuqcuqlar – vezikullar və sulanma xarakterikdir. Qovuqcuqlar sayca çox, lakin çox kiçik (sancaq başı boyda) olub yalnız diqqətlə baxdıqda görünür. Eyni zamanda papula və pustullar da görünə bilər.

Ədəbiyyat: Б. И. Зудин. Кожные и венерические болезни. Москва - «Медицина» 1990 (səh. 43)

192) Ekzema xəstəliyinin müalicəsində istifadə olunmur.
Ekzema xəstəliyinin müalicəsində ilk növbədə allergenlə kontakt kəsilməlidir. Hiposensibilizasiya məqsədilə natrium və kalsium preparatlarının (Natrium tiosulfat, Kalsium qlükonat və s) , antihistaminlərin (Klaritin) , sedativlərin, bəzən isə kortikosteroidlərin birgə balanslaşdırılmış tətbiqi effektiv müalicə kimi qiymətləndirilir.

Ədəbiyyat: Б. И. Зудин. Кожные и венерические болезни. Москва - «Медицина» 1990 (səh. 43)

193) Qırmızı yastı dəmrova aşağıdakılardan hansı aid deyil?

Qırmızı yastı dəmrov mum kimi parlaq, yastı papullardan ibarət papullarla özünü göstərir. Papulların ortasında çökəklik olması bu xəstəliyə xarakterikdir. Bu və ya digər dərəcəli qaşınma həmişə mövcud olduğu üçün çox zaman nevrotik vəziyyətə səbəb olur. Tipik lokalizasiyası – mil - bilək nahiyəsi, saidin, baldırın bükücü səthi, xarici cinsiyyət üzvləri və ağız boşluğudur. Uikxem toru – papul üzərində tor şəkli xarakterikdir. Etiologiyası az öyrənilib - bir sıra dərmanların qəbulundan əmələ gələ bilər.

Ədəbiyyat: Б. И. Зудин. Кожные и венерические болезни. Москва - «Медицина» 1990 (səh. 64)

194) Dəri vərəminin mütləq diaqnostik əlamətlərinə aiddir:
Dəri vərəmi Mycobacterim tuberculosis( və ya Kox çöpləri) tərəfindən törədilən xro­nik infeksion xəstəlikdir. Xəstəlik çoxşəkilli klinikaya malikdir və dəriyə limfohe­motogen yolla və ya per contituitatem (məsələn, düz bağırsaqdan) , nadir hallarda ek­zo­gen yolla dəriyə düşür. Yalnız vərəm mikobakteriyalarının aşkar olunması mütləq diaqnostik əhəmiyyətə malikdir, digət metodlar və simptomlar yalnız kompleks şəklində əhəmiyyətlidir.
Ədəbiyyat: Кожные и венерические болезни. Руководство для врачей. Под редакцией Ю. К. Скрипкина, М. , Медицина, 1995, т. 1. (səh. 355)
195) Sifilis xəstəliynin törədicisi hansıdır?
Sifilis xəstəliyi yoluxucu zöhrəvi xəstəlik olub torədicisi spiroxetlər qrupundan Treponema pallidum - Solğun treponemadır.

Ədəbiyyat: Б. И. Зудин. Кожные и венерические болезни. Москва - «Медицина» 1990 (səh. 159)

196) Sifilis xəstəliyinin mütləq diaqnostikasına aiddir?
Sifilisin diaqnostikasında anamnez məlumatları, klinik əlamətlər, seroloji reaksiyalar da mühüm əhəmiyyət kəsb edir. Diaqnostik məqsədlə daha çox kompleks seroloji reaksiyalar istifadə olunur.

Ədəbiyyat: Б. И. Зудин. Кожные и венерические болезни. Москва - «Медицина» 1990 (səh. 197)

197) Sifilisin spesifik müalicəsi əsasən aparılır:
Spesifik müalicədə məqsəd qanda və ya toxumada antimikrob preparatların bilavasitə xəstəliyin törədicilərinin – Treponemaların məhvinə kifayət edəcək konsentrasiyasını yaratmaqdır. Benzilpenisillin və ya onun uzunmüddətli preparatları sifilisin spesifik müalicəsi üçün ən efektiv vasitə hesab edilir.

Ədəbiyyat: Рациональная фармакотерапия, заболеваний кожи и инфекций, передаваемых половым путем. Руководство для практикующих врачей. Под редакцией А. А. Кубановой, В. И. Касиной, М. , Литтерра, 2005. (səh. 510)

198) Qonoreyanın inkubasiya dövrü orta hesabla neçə gündür?
Qonoreya infeksion zöhrəvi xəstəlik olub xəstənin sidik - сinsiyyət üzvlərininin selikli qişasını zədələyir. Törədiсiləri – qonokokklardır. İnkubasiya dövrü 3 - 5 gündür.

Ədəbiyyat: Б. И. Зудин. Кожные и венерические болезни. Москва - «Медицина» 1990 (səh. 215)

199) Trixomoniazın müalicəsində hansı preparatlar daha təsirlidir?

Urogenital trixomoniaz yoluxucu - zöhrəvi xəstəlik olub, torədicisi ibtidailər sinfindən olan Trichomonas vaginalis - dir. Müalicəsində antibiotiklər deyil, metronidazol və ya tinidazol kimi dərmanlar istifadə olunur.

Ədəbiyyat: Рациональная фармакотерапия, заболеваний кожи и инфекций, передаваемых половым путем. Руководство для практикующих врачей. Под редакцией А. А. Кубановой, В. И. Касиной, М. , Литтерра, 2005. (səh. 576)

200) Xlamidiozun müalicəsində daha təsirli müalicə vasitəsi hansıdır?

Urogenital xlamidioz yoluxucu - zöhrəvi xəstəlik olub, torədicisi Сhlamidia Trachomatis - dir. Bu çox geniş – sifilis və qonoreyadan dəfələrlə çox yayılmış bir xəstəlikdir. Müalicəsində tetrasiklin və onun analoqları (doksisiklin və b. k) ən effektli vasitələrindən sayılır.

Ədəbiyyat: Рациональная фармакотерапия, заболеваний кожи и инфекций, передаваемых половым путем. Руководство для практикующих врачей. Под редакцией А. А. Кубановой, В. И. Касиной, М. , Литтерра, 2005. (səh. 542)

Ədəbiyyat: Б. И. Зудин. Кожные и венерические болезни. Москва - «Медицина» 1990 (səh. 60, 65, 107, 141)

201) Aşağıdakılardan hansının səpki elementi qovuq və ya qovuqcuq deyil?

Sifilitik pemfiqusun xarakterik olduğu erkən anadangəlmə sifilisdən fərqli olaraq, gec anadangəlmə sifilisdə qovuq və ya qovuqcuq qeyd olunmur. Gec anadangəlmə sifilisdə dəri dəyişiklikləri adətən qummalar və ya qabarcıqlar şəklində rast gəlinir. Diaqnozunda isə klinik əlamətlərdən Hetçinson sindromu daha əhəmiyyətlidir.

Ədəbiyyat: Б. И. Зудин. Кожные и венерические болезни. Москва - «Медицина» 1990 (səh. 194)

202) Qonoreyanın spesifik müalicəsində hansı preparatlar tətbiq olunur?

Qonoreyanın törədiсiləri olan qonokokklar yalnız antibiotiklərə qarşı yüksək həssaslıq göstərir. Penisillin preparatlarına həssaslıq azalsa da, seftriakson kimi antibiotiklərə həssaslıq yüksəkdir.

Ədəbiyyat: Рациональная фармакотерапия, заболеваний кожи и инфек­ций, передаваемых половым путем. Руководство для практику­ющих врачей. Под редакцией А. А. Кубановой, В. И. Касиной, М. , Литтерра, 2005. (səh. 531)