7.2 Təhsilalanın imtahan nəticələrinin ballarla qiymətləndirilməsi: Fənn üzrə ikinci 50 bal semestr imtahanın nəticəsinə əsasən müəyyən olunur. Bu zaman təhsilalanların biliyi şifahi, yazılı və ya test formasında keçirilən imtahan biletlərinin suallarına uyğun cavablar aşağıdakı qiymətləndirmə meyarları ilə tənzimlənir:
10 bal - Tələbə keçirilmiş materialı dərindən başa düşür, cavabı dəqiq və hərtərəflidir.
9 bal - Tələbə keçirilmiş materialı tam başa düşür, cavabı dəqiqdir və mövzunun
məzmununu aça bilir, amma cavab əhatəli deyil.
8 bal - Tələbə cavabında ümumi xarakterli bəzi qüsurlara yol verir.
7 bal - Tələbə keçirilmiş materialı yaxşı başa düşür, lakin nəzəri cəhətdən bəzi
məsələləri əsaslandıra bilmir.
6 bal - Tələbənin cavabı əsasən düzgündür.
5 bal - Tələbənin cavabında çatışmazlıqlar var, mövzunu tam əhatə edə bilmir.
4 bal - Tələbənin cavabı ümumi xarakterlidir, lakin mövzunu izah edərkən ciddi səhvlərə
yol verir.
3 bal - Tələbənin mövzudan xəbəri var, lakin fikirləri qüsurlu və rabitəsizdir.
1-2 bal -Tələbənin mövzudan qismən xəbəri var
0 bal - Suala cavab yoxdur.
Ayrı-ayrı ixtisaslar üzrə təhsil proqramlarının təhsilalanlar tərəfindən tam mənimsənilməsi səviyyəsi və keyfiyyəti müvafiq qaydalar əsasında fənn üzrə cari, aralıq attestasiyalar (yoxlamalar ) və semestr imtahanlarının nəticəsinə əsasən müəyyənləşdirilir. 100 baldan minimum 51 bal toplamaqla yanaşı, tələbə final üçün ayrılan 50 baldan da minimum 17 bal toplamalıdır,əks halda fənni mənimsəməmiş hesab edilir.
Konkret fənn üzrə semestr ərzində toplanmış balın yekun miqdarına görə təhsil alanların biliyi(hərf və rəqəmlə) aşağıdakı kimi qiymətləndirilir.
