Fotonlar sayının məcburi keçidlər nəticəsində zəncirvari olaraq çoxalması müəyyən ana qədər davam edir. Yaranan şüalanma intensivliyi rezanatordakı difraksiya itkiləri və rezanatorun çıxış yarımgüzgüsünün işığı buraxma qabiliyyətindən aslı olaraq müəyyən qiymətədək böyüdükdə istiqamətlənmiş işıq dəstəsi – lazer şüası qurğudan kənara çıxır.
Qeyd etdiyimiz kimi, atomların enerji səviyyələri müəyyən enə malikdir.Kristalda atomlararası qarşılıqlı təsir qazlardakından böyük olduğundan , uyğun olaraq enerji səviyyəsinin eni də böyük olur.Səviyyələrin enə malik olması ilə əlaqədar olaraq məcburi şualanma və qovma bir tezliklə yox, müəyyən tezliklər intervalında baş verir.
