GƏNC TƏDQİQATÇI, 2020, VI cild, №1
86
UOT 632.931.4:634.64
NARIN ƏSAS XƏSTƏLİKLƏRİ İLƏ MÜBARİZƏDƏ TƏTBİQ EDİLƏN
AQROTEXNİKANIN ROLU
F.A. Quliyev, L.A. Hüseynova,
AMEA-nın Lənkəran bölməsi, Lənkəran, Azərbaycan
Bitki Mühafizə və Texniki Bitkilər Elmi-Tədqiqat İnstitutu, Gəncə, Azərbaycan
fitopatoloq.Lale@mail.ru
Etibarlı ərzaq təminatı hər bir ölkənin iqtisadi sabitliyinin və sosial dayanıqlığının başlıca
şərtidir. Ona görə də cəmiyyətin hər bir üzvünün əsas ərzaq məhsullarına olan tələbatının tam ödə-
nilməsi üçün davamlı olaraq, müvafiq tədbirlərin həyata keçirilməsi çox vacibdir.
Azərbaycanda yetişdirilən böyük sənaye əhəmiyyətinə malik olan subtropik bitkilərdən biri də
nardır(Punica L.). Azərbaycanda narın becərilməsi ilə eramızdan xeyli əvvəl ibtidai əkinçilik əmələ
gələn vaxtlardan məşğul olmuşlar. Cənubi Qafqaz coğrafi regionunda Azərbaycan əsas narçılıq ba-
zasıdır və istehsala görə qabaqcıl yer tutur. Ölkəmizdə nar əkini sahələrinin genişləndirilməsi hə-
min meyvəyə tələbatın artması, onun tərkibində keyfiyyətli müalicəvi və dietik əhəmiyyətə malik
olan maddələrin olması ilə sıx əlaqədardır.
Məqalədə Gəncə-Qazax coğrafi bölgəsi şəraitində nar bağlarında narın ən geniş yayılmış
əsas xəstəlikləri ilə mübarizədə tətbiq olunan aqrotexnikanın rolu ön plana çəkilir. Aqrotexniki və
ya qarşısıalınan mübarizə üsulunun mahiyyəti bitkilərin normal böyümə və inkişafını təmin edən
müxtəlif tədbirləri həyata keçirməklə, ekoloji şərait yaratmaq, eyni zamanda xəstəlik törədicilərin
yayılması və inkişafının qarşısını almaqdan ibarətdir. Ölkəmizdə ekoloji kənd təsərrüfatının inkişaf
etdirildiyi bir vaxtda kimyəvi mühafizənin rolunu minimuma endirmək və ekoloji təmiz məhsul əldə
etmək baxımından tətbiq edilən aqrotexnikanın, yəni aqrotexniki mübarizə üsulunun rolu mühüm
əhəmiyyət kəsb edir.
Dostları ilə paylaş: 
