Gipki Kamen ishlab chiqarish

Gipki Kamen ishlab chiqarish

Gipki Kamen: Uylarning tashqi fasadiga yopishtiriladigan, ko'rinishidan gulqog'oz va travertinga o'xshash bo'lgan lekin ancha chidamli, qayishqoq, olovda yonmaydigan, yomg'ir va boshqa tashqi omillar natijasida zarar yetmaydigan mahsulot bo'lib, tarkibi shisha tolali qog'oz va unga maxsus kley yordamida yopishtiriladigan maydalanib qum holatiga keltirilgan miramir toshi hisoblanadi. 15-20 yilgacha o'z hususiyatini yo'qotmagan holda tashqi omillarga va tasirlarga bardosh bera oladi.

Bu mahsulotni ishlab chiqarishda asosan inson kuchidan foydalaniladi. Haridorning hohishiga muvofiq istalgan turdagi va istalgan rangdagi mahsulot ishlab chiqarish mumkin. Qolaversa istalgan kattalikda va ko'rinishda qirqib yanada chiroyli va jozibali ko'rinishdagi uy yaratish mumkin bo'ladi.
Bu mahsulot yaratilganiga ko'p vaqt bo'lmaganligi bois talab ham yetarlicha va ishlab chiqarishda roqobat deyarli yo'qligi sababli olinadigan bu kredit o'zini tezda oqlaydi. Shuningdek qo'shimcha ish o'rinlari yaratiladi (2 tadan 7tagacha).
Kerakli mahsulotlar va jihozlar: miramir toshidan tayyorlangan qum (tonna), shisha tolali qog'oz (rulon), temir oksidiga ega ranglar to'plami, maxsus kley, bo'yoq sepish uskunasi, maxsus qolip, qumga rang berish uskunasi, mahsulotni quritish jihozlari, mahsulotni kesish uskunasi.
Kerakli mablag': 28 mln so'mni tashkil etadi.
Oylik daromad mahsulotga bo'lgan talabga muvofiq 1000$ dan 3000$ gacha bo'lishi mumkin va yillik kutilayotgan daromad o'rtacha 16000$ gacha bo'ladi.