Nostandart testlarning boshqa shakllarini ham o’ylab topish mumkin. Masalan, “Blits-test” usulida har bir testning ikkita javobi mavjud bo’ladi. SHulardan bittasi to’g’ri javob bo’lib, ikkinchisi xato javob hisoblanadi. Xususan, Muqimiy va Furqat ijodini o’rganilganda yoxud Ibrat va Kamiy hayoti va ijodiy faoliyati o’rganishda ana shunday nostandart testlardan foydalanilganda ikki tomonlama muvaffaqiyatga erishish yoki oz vaqtda ko’p natijani qo’lga kiritish mumkin.
Bir so’z bilan aytganda, ma’rifatchillik davri adabiyoti vakillarining hayoti va ijodiy faoliyati bilan bog’liq matnlar bilan ishlanganda mustaqil ishlar hamda amaliy topshiriqlarning alohida o’rni bor. Ayniqsa, talabalarning mustaqil ishlarini tanlangan interfaol metodlar asosiga qurish, standart va nostandart testlardan samarali foydalanish bu borada kutilgan natijalarga olib boradi.