Hayotimiz qomusi

O’zbekiston Respublikasi Qomusining

19 yilligiga bag’ishlab o’tkazilgan bayram ertaligi

SENARIYSI

(Musiqa zali bayramona bezatilgan. Bolalar Marsh musiqa sadosi ostida musiqa zaliga kirib keladilar).

O'zbekiston Respublikasi Davlat madhiyasi yangraydi
1-boshlovchi:
- Havas qilsa arzigulik, baxtim bor,
Nurli yo’lga boshlaguvchi ahdim bor.
Fidodurman toki tanda jonim bor,
Men elimning Qomusini kuylayman!
2-boshlovchi: - Assalomu alaykum azizlar, qalbi otash, mehri quyoshlar. Mana bugun Qomusimizning 19 yillik bayrami munosabati bilan Baxtnomamizni kuylash sharafiga ega bo'lib turibmiz. Bayramga bag'ishlangan tadbirni, marhamat, tomosha qiling!
(Sahnaga bir guruh bolalar chiqishadi va bir qatorga tizilishadi. Qo'llaridagi harflar yordamida «Baxt», «Qomusimiz» so'zlarini hosil qiladilar. Ular she'r o'qiydiiar. Harflar tilga kiradi).
- Jahonda eng baxtlilarning biriman,
Men elimning Qomusini kuylayman.
Go’zal yurtim, iftixorim
- Vatanim, Baxt-iqbolin, saodatin kuylayman!
Hur elimning dovrug'i bor tillarda,
O'zbekiston Madhiyasi dillarda.
Ozod bayroq hilpiraydi qo’llarda,
Doston bo’lgan baxtimizni kuylayman!
Mana, ko’ring, havas qiling, Unib o'sgan - Hidoyatdan. Saodatli elga baxt yor, Iymonu e'tiqodim bor. Munisgina onam kabi, Istiqlolim baxtimga yor.
Hamma: - Zavol ko'rmas iqbolim bor!
Qo’shiq «O’zbekistonim»
1-boshlovchi:
-Baxtiyorman hur elimning,
Adolatli shioridan,
Xalqim dildan ulug'lagan,
Tafakkuri, qaroridan.
Qoyil qolsin ro’i zamin,
Odillikdan, adolatdan.
(O’zbekiston qo’shig’i. M.Dadaboev musiqasi).
1-boshlovchi: - O'zbekiston Respublikasining Konstitutsiyasi o’z xalqining huquqlarini himoya qilib, hozirgi va kelajak avlodlar oldidagi yuksak mas'uliyatni anglagan holda respublika fuqarolarining munosib hayot kechirishlarini ta'minlashga erishish, tinchlik va milliy totuvlikni ta'minlash maqsadida qabul qiiingan. Biz uni g'urur bilan «Baxtimiz Qomusi», deya ataymiz.
2-boshlovchi: - Konstitutsiyamiz 1992 yil 8 dekabrda O'zbekiston Respublikasi Oliy Kengashining o'n birinchi sessiyasida qabul qilingan.
(Bolalarga murojaat etadi).
- Qani, bolalar, Konstitutsiyamiz haqida siz nimalarni bilasiz?
(Bolalar faxr bilan Qomusimiz haqida bilganlarini bayon etishadi).