Mavzuning o’rganilganlik darajasi.Investitsiyalar, investitsiya samaradorligini baholash va investitsion qarorlar qabul qilish masalalari chet ellik iqtisodchi olimlardan: Sharp U., Brikxmen Yu., Beyli J., Vann Xorn J., Lorens J.Gitman, Zel A., Xavranek P. va boshqalarning asarlarida tadqiq etilgan. Shuningdek, investitsiya loyihalarining iqtisodiy samaradorligini baholash masalalari rossiyalik iqtisodchilardan Bocharov V.V., Lipsits I.V., Morozov D.S., Blank I.A., Volkov I.M., Kossov V.V., Grachyova M.V., Zolotogorov V.T., Idrisov A.B., Kartishev S.V., Kovalev V.V. va boshqalarning asarlarida keng o’rganilgan. Investitsiyalash, investitsiyalar samaradorligini baholash, investitsiya faoliyatini moliyalashtirish masalalari mahalliy iqtisodchi olimlar A.Vaxobov, D.G’ozibekov, M.Angelidi, N.Karimov, N.Haydarov, O.Sobirov, A.Jo’raev, D.Xo’jamqulov va boshqalar tomonidan tadqiq etilgan. Tadqiqot mavzusini nazariy jihatdan yoritishda O’zbekistonda, Rossiyada va qator rivojlangan xorijiy davlatlarda chop etilgan adabiyotlardan foydalanildi. O’zbekiston Respublikasida investitsiya loyihalari samaradorligini baholash bo’yicha tegishli me’yoriy hujjatlardan, tartib qoidalardan, shuningdek davriy nashrlardan foydalanildi.
