Kurs ishining maqsadi byudjet islohotlarni jadallashtirish sharoitida byudjeti xarajatlari ijrosini tashkil etish masalalarini o‘rganishga bag‘ishlangan. Ishning maqsadidan kelib chiquvchi vazifalar quyidagilardan iborat:
davlat byudjeti ijrosini tashkil etishning nazariy asoslarini o‘rganish;
byudjet ijrosini tashkil etishning tashkiliy-huquqiy asoslarini o‘rganish;
davlat byudjeti xarajatlari ijrosini tahlil qilish asosida byudjetning ijrosini tashkil etish xususiyatlarini o‘rganish;
davlat byudjeti xarajatlari ijrosining samaradorligini oshirish masalalarini o‘rganish, izlanishlar yuzasidan xulosa va takliflarni shakllantirish va ularni nazariy jihatdan asoslab berish.
Kurs ishining tadqiqot predmeti sifatida O‘zbekiston Respublikasi davlat byudjeti tizimida byudjet ijrosini tashkil etish yuzasidan yuz beradigan iqtisodiy munosabatlar tizimining amal qilish mexanizmi tanlab olindi. Kurs ishining izlanish ob’ektini byudjet ijrosini tashkil etish yuzasidan O‘zbekiston Respublikasi Vazirlar Mahkamasi, Moliya Vazirligi, hududiy moliya boshqarmalari, Moliya vazirligi G‘aznachiligi va uning hududiy bo‘linmalari tomonidan amalga oshirib kelinayotgan tadbirlar tizimi tashkil etadi.
Izlanishning nazariy ahamiyati xorijiy va o‘zbek iqtisodchi olimlarining turli darajadagi byudjetlarni byudjetlarni ijro etish masalalariga doir asarlarini o‘rganish asosida bitta kichik hajmdagi ilmiy ishda byudjet xarajatlari ijrosini nazariy jihatdan yoritib berilganligida namoyon bo‘ladi. Ishning amaliy ahamiyati shundaki, unda bugungi G‘aznachilik sharoitida davlat byudjeti xarajatlari ijrosini samarali tashkil etishga qaratilgan xulosa va tavsiyalar shakllantirilgan.
Kurs ishi kirish qismi, 5 ta paragrafni qamrab olgan 2 ta bob, xulosa va foydalanilgan adabiyotlar ro`yxatidan iborat.
Dostları ilə paylaş: |
