Tikinti-quraşdırma işləri başa çatdıqdan sonra qaz kəmərlərinin və onun qurğularının üfürülməsi və sınağının qaz vasitəsilə aparılması zamanı hansı tələblərə riayət edilməlidir?
Tikinti-quraşdırma işləri başa çatdıqdan sonra qaz kəmərlərinin və onun qurğularının üfürülməsi və sınağı qaz vasitəsilə aparıldığı halda, tikinti təşkilatı, göstərilən işləri təhlükəsiz yerinə yetirmək üçün sifarişçi ilə razılaşdırılmış təlimatı Azərbaycan Respublikası FHN-nin Sənayedə İşlərin Təhlükəsiz Görülməsi və Dağ-mədən Nəzarəti Dövlət Agentliyinə və Dövlət Qaz Nəzarəti İdarəsinə təqdim edərək onlardan rəsmi icazə almalıdır.
Yeni tikilmiş qaz kəmərlərinin istismarda olan qaz kəmərlərinə qoşulması üzrə işlərin aparılmasına hazırlaşarkən hansı tədbirlər həyata keçirilməlidir?
istismarda olan və yeni tikilmiş qaz kəmərlərinin texniki sənədləri, pasportları və icra cizgilərinin mövcudluğunun yoxlanılması;
yeni tikilmiş qaz kəmərlərinin və quraşdırılmış qaz avadanlıqlarının pasportu, sertifikatı və sair, eləcə də qaz kəmərlərinin korroziyadan elektrik mühafizə qurğularının vəziyyətinin yoxlanılması;
qaz təsərrüfatında texniki təhlükəsizlik qaydalarının tələblərinə əsasən işin təhlükəsiz görülməsi üzrə müvafiq iş planının hazırlanması;
işin təhlükəsiz aparılması üçün lazımi avadanlıqların, materialların, alətlərin və mühafizə, xilasetmə, yanğından mühafizə vasitələrinin (əleyhqaz, tibbi apteçka, mühafizə kəməri və sair) tələb olunan sayda və saz vəziyyətdə hazırlanması;
Texniki sənədlərin hazırlanması, qoşulma düyünlərinin eskizlərinin (sxeminin) tərtib edilməsi, qaz kəmərinin qoşulması üzrə qaz təhlükəli işlərin yerinə yetirilməsinə tapşırıq verən şəxsin göstərişi nəzərə alınmaqla, Qaz təchizatı müəssisəsinin mütəxəssisləri tərəfindən yerinə yetirilir.
