Vakuum-karbonat usullari. Ushbu usullarda chiqindi gaz tarkibidagi vodorod sulfid gazi natriy yoki kaliy karbonat tuzlarining eritmalariga yutiladi. Keyin to'yingan eritmani vakuum ostida qizdirish, sovitish yoli bilan regeneratsiya qilinib, yana absorbsiya jarayoniga qaytariladi. Bunda quyidagi reaksiyalar sodir bo'ladi:
Me2CO3 +H2S= MeHCO3+ MeHS Me2CO3 + H2O + CO2= 2MeHCO3 MeHS + CO2 +H2O= MeHCO3 + H2S
Absorbsiya uchun ishlatiladigan natriy karbonat, natriy bikarbonat va kaliy karbonat, kaliy bikarbonatlaring turli eruvchanligi bois, ularning konsentratsiyalari ham turlicha bo'ladi. Potash (kaliy karbonat) suvda yaxshi eriydi, shuning uchun yaxshi yutuvchanlik qobitiyatiga ega bo'lgan uning yuqori konsentratsiyali eritmalari qo'llaniladi. Bu uning sarfini kamayishiga va potashning regeneratsiyasi uchun sarf bo'ladigan bug'ning sarfini ham kamaytiradi. Usulning kamchiligi - potashning yuqori narxdaligidir. Shuning uchun ko'pincha soda usuli qo'llaniladi.
Vakuum-karbonat usulida chiqindi gaz tarkibidagi vodorod sulfiddan tozalash texnologik sxemasi quyidagi rasmda keltirilgan.
