İdman təbabəTİ VƏ GİGİyena

B₁ vitamini (tiamin). Bu vitamin karbohidrat mübadiləsində mühüm rol oynayır, sinir sisteminin oyanmasına səbəb olan asetilxlorinin çevrilmələrində iştirak edir. B₁ vitamini ürək, qan-damar, həzm, endokrin sistemlərinin də funksiyasını stimullaşdırır. Çatışmaması nəticəsində karbohidrat mübadiləsi, sinir sisteminin fəaliyyəti pozulur, fiziki və zehni əmək yorğunluğu, sinirlərin ətrafında ağrılar hiss edilir, polinevrit və beri-beri xəstəliyi baş verir. Bu zaman arıqlama, ayaqlarda zəiflik-yeriyərkən səndələmə, sonralar isə iflic olma halları meydana çıxır.

B₁ vitamini kəpəkli unda, çörəkdə, maya və yarmalarda, noxudda, heyvan məhsullarından böyrək, qaraciyər, ürəkdə, mal, qoyun və donuz ətində çox olur. Orqanizmdə ehtiyat halında yığılmır, sidiklə ifraz olunur. Gündəlik norma 1,4-2,4 mq-dır.