Tabiiy izlanish ehtiyoji (qiziqish)dan foydalanish vaziyatni tahlil qilishga, xulosalar chiqarishga, ijodiy qarorlar qabul qilishga majbur qiladi.
2. Saqlanish, naslni davom ettirish, yashash uchun kurash instinkti. Ekstremal sharoitlarda hayotni saqlab qolish va uni davom ettirishga qaratilgan ijodiy harakat va ishlar kuchayishi kuzatiladi. Tarixda bunga misollar ko’p.
3. Dastlabki moddiy ehtiyojlarni qondirish (ovqat, uy, kiyim va h.k.). Jahon patent fondining katta qismi insonning aynan shu ehtiyojlarini qondirishga yo’naltirilgan ijodiy qarorlarga ega.
4. Dastlabki ma'naviy-ijtimoiy ehtiyojlarni qondirish (o’z-o’zini hurmat qilish, tan olinish, yaxshi ko’rish, o’zini ko’rsatish, o’zini rivojlantirish). Dastlabki moddiy ehtiyojlar qondirilayotganda hayotda o’z o’rni va ahamiyatini anglash istagiga asoslangan ma'naviy ehtiyojlar namoyon bo’ladi. Inson o’z-o’zini tan oladi, ya'ni qadrlaydi, o’zini hurmat qilish hissini hosil qila boshlaydi va yaqin atrofidagilardan, keyin hammadan o’z shaxsi hurmat qilinishini kutadi. Bu tuganmas va doimo o’sib boruvchi ehtiyoj ijod namoyon bo’lishining kuchli motivlaridan biridir.
5. Manfaatparastlik, hukmronlikka intilish, karerizm. Boy va hukmron bo’lishga intilish ba'zilar uchun o’z ijodiy qobiliyatlarini rivojlantirishda kuchli motiv hisoblanadi. Ehtimol, bu shaxsiy xavfsizlik va yashash uchun kurash ehtiyojini qondirish bilan bog'liqdir.
6. Dangasalik, o’z kuchini ayash, parazitizm. Ko’pchilik dangasalik va atrof-muhitda parazitlik qilish istagi insoniyat taraqqiyotining, ayniqsa, uning dastlabki davrlarida harakatlantiruvchi kuchlaridan biri bo’lgan, deb hisoblaydi. Ibtidoiy odam ovqat izlashdan charchagan va dehqonchilik bilan shug'ullana boshlagan, ov qilishga eringan – choh qazib tuzoq q
