Tərbiyə işinin əsasını aşağıdakı ideyalar təşkil edir:
Tərbiyə məqsədlərində realizm. İnsanın hərtərəfli inkişafı onun qabiliyyətlərinə və istedadına əsaslanmalıdır. Tərbiyənin məzmununun mərkəzi anlayışı şəxsiyyətin “baza mədəniyyəti”anlayışıdır.Bu mədəniyyətə iqtisadi, siyasi, hüquqi mədəniyyət və s. daxildir.
Uşaqlarla böyüklərin birgə fəaliyyəti. Birgə iş prosesində mənəvi mədəniyyətin ən yaxşı nümunələrini axtarmaq, onların əsasında özünün şəxsi dəyərlərini, həyat normalarını və qanunlarını yaratmaq, tərbiyə prosesində məktəblinin fəal şəxsi mövqeyini təmin etmək müəllimin tərbiyə işinin məzmununu təşkil edir.
Özünütəyinetmə. Tərbiyənin məzmununun mühüm elementlərindən biri həyatını təyinetmə mədəniyyətidir. Bu insanı öz həyatının və şəxsi xoşbəxtliyinin subyekti kimi xarakterizə edir.
Könüllülük. Əgər müəllimlər şagirdlərin (tələbələrin) maraqlarına, yoldaşlıq və vətandaşlıq hisslərinə, müstəqillik və yaradıcılıq meyllərinə istinad edərsə şagirdlərdə (tələbələrdə) sərbəstlik meylləri meydana gələr.
