6. Tərbiyədə təsir- pedaqoji fəaliyyətdə tərbiyə olunanın fəaliyyətinin davranışında, şüurunun bu və ya digər xüsusiyyətlərində dəyişikliklər etməyə yönəlmiş sosial qarşılıqlı təsir olub, tərbiyəçinin vəzifəsinin həyata keçirilməsi formasıdır. Tərbiyə prosesində insanlar bir-birinə sosial-psixoloji qarşılıqlı təsir göstərir, bir-birilərini qavrayır və anlayırlar. Bütün bunlar tərbiyəçi (müəllim) ilə uşağın (şagirlərin) birgə fəaliyyətində, yəni tərbiyə prosesində baş verir. Bu zaman tərbiyə prosesi üçün determinant rolunu birgə fəaliyyət oynayır və insanların bir-birlərinə tərbiyəvi təsir vasitəsi həm fəaliyyətin məzmunu, həm də məqsədi ilə şərtlənir. Tərbiyə prosesində özünü göstərən psixoloji təsir vaitələri çoxcəhətlidir. Bu cür psixoloji təsir vasitələrinə: inandırma, psixoloji sirayət, təlqin, təqlid və s. aiddir.
