TƏQLİD İnandırma- tərbiyə prosesində məntiqi əsaslarla müəllimin şagirdin rasional dərketmə sferasına göstərdiyi təsirdir. İnandırma məntiqə əsaslanır. İnandırmanın mühüm xüsusiyyəti ondan ibarətdir ki, inandırmanın təsir səviyyəsi şagirdin maraq dairəsindən də asılıdır. O, intellektual təsir vasitəsi kimi informasiyanın müstəqil surətdə təhlil olunmasını nəzərdə tutur. Psixoloji sirayət- tərbiyənin ictimai-psixoloji mexanizmi olub, birgə qarşılıqlı əlaqə şəraitində müəllimin emosional təsirinə şagirdin şüursuz olaraq düşməsidir. Sirayətpsixoloji əhval-ruhiyyənin, hiss və emosiyalarının gərginliyindən sonra həyata keçirilir. Təqlid- cəmiyyətin ənənələrini mənimsəmə üsulu, müəllimin təcrübəsi, şagirdlərini şüurlu və şüursuz olaraq dərk etməsi mexanizmi, müəllimi yamsılamaqla öyrənmə, dərk etmədən onun davranışını, hərəkətini təkrar etməkdən ibarətdir. Təqlid tərbiyə olunanların zahiri keyfiyyətlərinin qavranılmasına və tərbiyəçinin nümunəvi davranışına yönəldilir. Sinifdə şagirdlər bir-birini qrupun üzvləri kimi təqlid edir və bu yolla daha çox əxlaqi normaları, sosial stereotipləri mənimsəyirlər.
