Informatika-5

Klaviaturadagi maxsus klavishlar nimaga kerak?
Maxsus klavishlardan Shift klavishining vazifasini bilib oldingiz, ya'ni klavishlarni birgalikda bosish orqali bosh harflarni yozish mumkinligini ko'rdik. Ikkinchi usulda Caps Lock klavishi bosiladi. Natijada Caps indikatori yonadi hamda klavishlar orqali faqat bosh harflarni yozish mumkin bo'ladi.
Bu holda Shift klavishini bosib turib harflar yozilsa, kichik harflar yoziladi. Faqat kichik harflarni yozish uchun yana Caps Lock klavishi bosiladi.
Boshqa maxsus klavishlarning vazifasini quyidagi jadvaldan bilib olasiz.

Kursorni qanday boshqarish mumkin?
Avvalgi darslarda klaviaturadagi harf, raqam va belgilar yordamida matnlar (hikoyalar, referatlar, maqolalar va kitoblar) yozish mumkinligi aytib o'tilgan edi. Ma'lumki, matnlar satrlardan tashkil topgan bir necha sahifadan iborat bo'ladi. Kursorni satrlar yoki sahifalar ichida boshqarish uchun klaviaturada alohida klavishlar joylashtirilgan. Ularning vazifalari quyidagi jadvalda keltirilgan.

Home	Kursorni satr boshiga o'tkazadi		Kursorni bir belgi oldinga o'tkazadi
End	Kursorni satr oxiriga o'tkazadi		Kursorni yuqoridagi satrga o'tkazadi
PgUp	Kursorni awalgi sahifaga o'tkazadi		Kursorni bir belgi keyinga o'tkazadi
PgDn	Kursorni keyingi sahifaga o'tkazadi		Kursorni quyidagi satrga o'tkazadi

Yordamchi klavishlar majmui yordamida kursorni boshqarish (Num Lock indikatori o'chiq holda) yoki raqamlar va arifmetik amal belgilarini kiritish (Num Lock indikatori yongan holda) mumkin. Num Lock indikatorini yoqish yoki o'chirish uchun Num Lock klavishi bosiladi.