Ong va Ongsizlik.
Ong inson ruhiy hayotini to‗la ifodalay olmaydi. Inson
ruhiyatida ong bilan birga ongsizlik ham mavjud. Jahon falsafiy an‘anasi va
psixologiyasida ong va ongsizlik olimlar tomonidan tan olinmoqda. Biroq yaqin
o‗tmishda, ya‘ni o‗tgan asrning 20-50 yillarida sobiq ittifoqda ongsizlik tu-
shunchasi qoralangan va idealistik tushuncha hisoblangan edi. 60- yillardan
boshlab ongsizlik tushunchasi qayta tiklanib, uning fenomeni faol o‗rganila
boshlandi.
Ongsizlik inson aqliy sohasidan tashqarida ong tomonidan nazoratga
olinmaydigan turli ruhiy hodisa va holatlar majmuidir. Ongsizlikka tush ko‗rish,
gipnotik hollar, g‗ayrishuuriy holatlar va hokazolar kiradi.
Ayni paytda shaxs ongining diqqat markazida bo‗ladigan barcha narsalar
xotira yordamida ongga kiritilishi mumkin emas, ularni ongsizlikka kiritish ham
noo‗rindir. Masalan, o‗tmishda ko‗plab axborot olganmiz, lekin u ongimiz amal
qilishining har bir daqiqasida bizga bevosita ta‘sir ko‗rsatmaydi. Uni amalda ong
fokusiga yuborish mumkin, ammo ular ham muayyan holda xatti-harakatlarimizga
ta‘sir etadi. Ongsizlik sohasiga insonning biologik mavjudot sifatidan holi
bo‗lmagan instinktlari kiradi. Instinktlar insonda ongosti istak-mayllari, tuyg‗ulari,
xohish impulslarini paydo qiladi, keyin ular ong sohasiga aylanadi.
Avtomatizm deb ataladigan hodisa va intuitsiya ong yordamida
tug‗ilishi,
keyin esa ongsizlik sohasiga o‗tishi mumkin. Avtomatizm insonning murakkab
harakatlari bo‗lib, dastlab ong nazorati ostida sodir bo‗ladi, uzoq mashq qilishlar,
ko‗plab takrorlashlar oqibatida nazoratdan chiqadi va ongsizlikka aylanadi.
Masalan, musiqa asboblarini chalish, suzish, velosiped yoki avtomobil haydash,
ba‘zi oddiy mehnat qilish usullari va hokazo. Bunday avtomatizmlar hayotimizga
chuqur kirib borgan. Ongsizlik tizimida odamning muayyan vaziyatda ma‘lum
faollikka intilishi, tayyorligi muhim o‗rin tutadi.
21
Ongsizlik elementlari yuqoridagidan tashqari ongga yaqinlik darajalari bilan
ham farq qiladi. Fanda, hattoki, ongosti deb ataladigan ongsizlik darajasi yoki
mahsus qatlam ham ajratib ko‗rsatiladi, unga ong darajasidan avtomatizm
darajasiga o‗tish bilan bog‗liq bo‗lgan psixik hodisalar kiradi.
Avtomatizmlar misolida ongsizlikning himoyalanish funksiyasi yaxshi
ko‗rinadi, ongsizlik momenti ishga tushishi bilan ongning ishi kamayadi va inson
ijodiy imkoniyatlari kengayadi. Masalan, avtomobil haydash mahorati yuksak
kishilar bu jarayonda bir vaqtning o‗zida ham musiqa eshitishlari, ham muhim
masalada suhbat olib borishlari mumkin. Komputerda matnni bexato yozayotgan,
bir qulog‗idagi eshitgich bilan musiqa tinglayotgan va kasbdoshlarining suhbatida
faol ishtirok etayotgan hodimlarni ko‗p uchratish mumkin. Holbuki, bu
holatlarning har biri ongning, diqqatning bo‗linishini talab qiladi.
Shu ma‘noda, ongsizlik inson xatti-harakatlarini boshqarishi ham, ongga
muayyan tarzda ta‘sir ko‗rsatishi ham mumkin.
Adabiyotdagi ikkita faktni keltiramiz. Ba‘zi xorijiy mamlakatlar
kinoteatrlarida badiiy film namoyishi payti biron-bir tovarni reklama qiluvchi
maxsus kadrlar ko‗rsatilgan. Bu kadrlar inson ko‗zi ilg‗amas muddat ichida (ya‘ni,
0,5 s. dan kamroq) ko‗rsatilgan va film tomoshasiga ham xalaqit bermagan.
Tomoshabin bu kadrlarni ko‗rmagan, lekin ular ongosti tomonidan qayd qilinib
seansdan so‗ng shu odamlar xatti-harakatiga ta‘sir ko‗rsatgan. Ana shu tarzda
reklama qilingan tovarlarga nisbatan ehtiyoj odatdagidan 2-3 barovar ortgan.
.Ikkinchi fakt. Gipnoz vaqtida bir kishiga uyg‗onganidan besh daqiqa
o‗tgandan so‗ng burchakda turgan soyabonni olishga buyruq berilgan. Bu odam
gipnotik uyqudan uyg‗onib, buyruqni bajargan. Ushbu harakatning sababi
so‗ralganda, u o‗zining soyaboni ekanligi uchun shunday qilganligini aytgan. Bu
sabab hodisaning asl mohiyatiga to‗g‗ri kelmaydi va, tabiiyki, o‗ylab topilgan edi,
lekin o‗sha kishi ongini bu sabab mutlaqo qoniqtirgan. U o‗z xohishiga ko‗ra
soyabonni o‗ziniki ekanligiga ishonish maqsadida olganligiga qattiq ishongan.
Keyin qayta so‗roqlar yordamida o‗zi harakatlarining haqiqiy sababini, ya‘ni
gipnoz paytida olingan buyruq ekanligini eslashga majbur qilishgan.
22
Keltirilgan misollar, birinchidan, inson ruhiyotida ongsizlik hollari
mavjudligini ko‗rsatadi. Ikkinchidan, bunday holatlar masalani ―Onglilik bilan
ongsizlik munosabati qanday?‖, degan savol tarzida qo‗yishga undaydi.
Fan tarixida bu savolga birinchilardan bo‗lib avstriyalik nevropatolog, psixiatr
va psixolog Z. Freyd (1859—1939) katta tajribaviy material asosida javob berishga
harakat qildi. Yuqoridagi faktlarning ikkinchisiga tayangan holda Z. Freyd,
shuningdek, ko‗plab tajribalar asosida ongsizlikning muhim, hattoki, hal qiluvchi
roli borligi to‗g‗risidagi xulosaga keladi. Uning fikricha, inson hayotida turli
faktorlar ta‘sirida yuzaga keladigan u yoki bu ―komplekslar‖ ongdan ongsizlikka
siqib chiqariladi, keyin esa ular biron bir psixik hodisa yoki ruhiy kasallik sababi
bo‗lishi ham mumkin. Aniq kompleksni aniqlash yo‗llarini topish va aniqlash,
uning sub‘ekt tomonidan anglanishigacha olib borish zarur. Shundagina kasallikni
davolash mumkin bo‗ladi. Z. Freyd tomonidan kompleksni aniqlash va bemorlarni
terapevtik davolash usuli psixoanalitik metod deb atalgan edi.
Freyd psixoanalizni bir qator tarkibiy elementlar, siqib chiqarilgan
narsalarning (ko‗p hollarda) seksual xarakterdagi tasavvur, shuningdek, tush
ko‗rishlarni, kasallik keltirib chiqaruvchi ongsizlikning strukturalarini aniqlash
vositalari sifatidagi metodika tarzida asoslab berdi. Tan olish lozimki, nafaqat
psixoanaliz qoidalari ishlab chiqilgan XX asrning birinchi choragi uchun, balki
keyingi o‗n yilliklar uchun ham bu katta yutuq edi. Psixoanalizning diagnostik va
terapevtik usullari ko‗pgina tibbiyot nazariyotchilari va amaliyotchilarining
e‘tiroficha, yaxshi natijalar bergan, ba‘zi hollarda esa katta samaraga olib kelgan.
Ongsizlik to‗g‗risidagi tasavvurlar asosida Z. Freyd o‗z dunyoqarashini,
shuningdek, inson psixikasi, ong (men) va ongsizlik (u) o‗rtasidagi o‗zaro
bog‗liqlik to‗g‗risidagi ta‘limotini yaratdi.
Z. Freyd fikricha, inson ruhiyoti, uch sohaga egadir: ―U‖, ―Men‖, ―Oliy men‖.
―U‖ ongsiz intilishlarning chuqur qatlamidir; bunda rohatlanish tamoyili
yetakchilik qiladi. ―Men‖ onglilik sohasi bo‗lib, ongsizlik bilan tashqi dunyoni
bog‗lab turadi va reallik tamoyili amal qiladi. ―Oliy men‖ ichki shaxsiy vijdon,
o‗ziga xos axloqiy ta‘qiq aytish mumkinki, inson ongi ichidagi sotsiallikdir. ―Men‖
23
dunyo va ―U‖ o‗rtasida vositachi bo‗lishga, ―U‖ni dunyoga muvofiq qilishga
hamda dunyoni ―U‖ xohish-istagi bilan muvofiqlashtirishga intiladi. ―Men‖ tashqi
dunyoga ―U‖ ta‘sirida yordam berishga va bu dunyo an‘analarini amalga
oshirishga harakat qiladi. ―Men‖ ―U‖da hukmronlik qiladigan qoniqish tamoyilini
reallik tamoyili bilan almashtirishga intiladi. ―Men‖ning funksional ahamiyati
shundaki, unga normal sharoitlarda harakatga undash ustidan hukmronlik qilish
huquqi berilgan. ―U‖ga nisbatan ―Men‖ chavandozga o‗xshash ot kuchini jilovlab
borishi kerak, ya‘ni uni chavandozdek qayoqqa xoxlasa, o‗sha tomonga boshlaydi.
Xuddi shunga o‗xshash tarzda ―Men‖ ―U‖ning odatdagi xohishini, go‗yoki uning
o‗zi istagandek harakatga aylantiradi. Z. Freyd ―U‖ning ―Men‖ga nisbatan
mohiyatini bo‗rttirib yuborgan. Bunday bo‗rttirish ongsizlik va onglilik o‗rtasidagi
munosabatning gnoseologik aspektidan ko‗ra psixologik aspektiga, inson xatti-
harakatlarining sabablari masalasiga ham ta‘sir ko‗rsatadi. Lekin bu holat Z. Freyd
dunyoqarashi ongsizlikdan boshlanishini bo‗rttirishga tomon yo‗naltirilgan
an‘ananing ichki mohiyatini belgilaydi. Olimning asosiy qarashlariga qarama-
qarshi bo‗lgan fikr ―barcha ruhiy jarayonlar asosan ongsizlikdir‖, degan fikrdir.
Ongni ongsizlikkacha soddalashtirish ruhiyat va fiziologik munosabat
muammosida Z. Freyd fikrlarining gnoseologik noizchilligini anglatadi. Bundan
tashqari, garchi olim ong masalasining sotsial jihati to‗g‗risida fikr yuritgan bo‗lsa
ham, lekin sotsial faktorning inson ongi va ruhiyati shakllanishi hamda
taraqqiyotidagi ahamiyatini ochib bermadi. Bu ruhiylikning ijtimoiylashuvi
muammosining aniq shakllarini endigina aniqlashga kirishgan hozirgi zamon
psixiologiyasi uchun ham murakkab masaladir.
Z. Freydning dunyoqarashini idealistik yoki materialistik deb baholagandan
ko‗ra, uni gnoseologiyaga, umuman, fanga qay darajada hissa qo‗shganligini
hisobga olish, ya‘ni e‘tirof etish to‗g‗ri bo‗lar edi.
U ruhiyatni ong bilan aralashtirgan konsepsiyalarga jiddiy zarba berdi.
Ongsizlikni ruhiy faoliyatning hayvonlargagina tegishli bo‗lmagan, ongning paydo
bo‗lishi bilan shakllanadigan, keyin esa o‗z mavjudligi va amal qilishiga ko‗ra u
bilan belgilanadigan quyi shakl ekanligi to‗g‗risidagi xulosaga keldi.
24
Z. Freyd konsepsiyasi ongsizlikka urg‗u berish kuchaygan falsafiy an‘analar
Shopengauer, Gartman, Bergson va boshqalar ustuvorligi bilan belgilanadi. U
birinchi bo‗lib ongsizlikning inson ruhiyatida tutgan o‗rnini asosli ravishda,
eksperimental va klinik ma‘lumotlar asosida ko‗rsatib berdi. Uning konsepsiyasini
bugungi psixologiya ham, ilmiy falsafa ham aslo inkor eta olmaydi.
Ongsizlikni tushunishda Z. Freydning izdoshi shvetsariyalik psixolog K.G.
Yung (1875-1961) ning asarlari katta ahamiyatga ega. K.G. Yung ongsizlikni
o‗rganar ekan, uning tarkibida arxitiplar deb ataluvchi narsalarni aniqladi.
Agar Z. Freydning ―kompleksi‖ inson individual hayotining natijasi va siqib
chiqarish mahsulidan iborat bo‗lsa, arxitiplar esa kishilarning jamoaviy hayoti,
urug‗lar hayoti bilan bog‗liq bo‗lib, inson ruhiyatida mustahkamlanib boradi,
avloddan avlodga nasl orqali yetkazib beriladi. Bunda Z. Freyd ―komplekslari‖
yo‗qolmaydi, lekin ular to‗g‗risidagi tasavvurlar ―arxitiplar‖ tushunchasi bilan
to‗ldiriladi. K.G. Yung ta‘kidlaydiki: ―Ong ostonasida joylashgan nisbatan yuzaki
bo‗lgan shaxsiy ongsizlikdan farqli ravishda jamoaviy ongsizlik odatdagi
sharoitlarda anglanishi mushkul. Shuning uchun, tahliliy texnika yordamida
xotirlash mumkin emas, chunki u siqib chiqarilmagan va unutilmagan. Jamoaviy
ongsizlik o‗z-o‗zida mavjud bo‗lmaydi, aslida u qadim zamonlardan buyon, irsiyat
tufayli, miya tuzilishi orqali anatomik usulda saqlangan obrazlarning muayyan
shakli vositasida o‗tib kelayotgan imkoniyatdan boshqa narsa emas. Tug‗ma
tasavvurlar yo‗q, ehtimol, har qanday kuchli fantaziyaning chegaralarini, fantaziya
faoliyati kategoriyalarini, ma‘lum ma‘nodagi
apriori
g‗oyalarini aniqlaydigan
tasavvurlarning tug‗ma imkoniyatlari bor. Ular bugungi hissiyot va amaliyotimizda
boshqarib turuvchi ba‘zi tamoyillar sifatida namoyon bo‗ladi‖.
Kollektiv ongsizlikning elementlari bo‗lgan arxitiplar ma‘lum darajada qator
avlodlarning umumlashgan cheksiz teng ta‘sir etuvchi bir xil tajribalari
hisoblanadi. Ongsizlik arxitiplarning yig‗indisi sifatida insoniyat tomonidan
boshdan kechirilganlarning qoldig‗i hisoblanadi. Biroq, ular o‗lik, vayrona
maydonlar qoldig‗i emas, balki individual turmushning ko‗rinmas, shuning uchun,
ta‘sirchan tarzda belgilaydigan reaksiya va dispozitsiyalarining tirik sistemasidir.
25
Ona-Yer, qahramonlar, donishmandlar umuminsoniy arxitiplarga kiradi.
―Soya‖ arxitipiga insondagi barcha salbiy jihatlar kiradi, zero inson ruhidagi
g‗arazli maqsadlar uning xatti-harakatlarida namoyon bo‗ladi. Bu maqsad ochiq,
namoyon bo‗lmasdan yashiringan holda bo‗lishi ham mumkin. ―Anima‖ arxitipi
erkakda ayollikning boshlanishini, ―animus‖ arxitipi esa ayolda erkaklikning
boshlanishini anglatadi. Ular erkak bilan ayolning bir-birini o‗zaro tushunishiga
yordam beradi. Biroq ideallashtirilgan tasavvurning real inson yoki voqelik bilan
mos kelmasligi oqibatida ruhiy tushkunlikka olib kelishi mumkin. K.G. Yungdagi
―o‗zlik‖ arxitipi esa inson ruhiyatining sub‘ekti bo‗lib, inson faoliyatini oldindan
belgilab beradi.
Arxitiplar belgilar bilan uzviy bog‗langan bo‗lib, ular masalan, tush ko‗rish,
badiiy faoliyat kabilarda namoyon bo‗ladi. Kollektiv ongsizlik, — deb ta‘kidlaydi
K. Yung, — har bir individual miya strukturasida yuzaga kelgan katta ma‘naviy
meros hisoblanadi. Individual ong o‗tkinchi hodisadir. U vaqtinchalik moslashuv
va yo‗nalish bo‗lgani bois, uni fazoda mo‗ljalni to‗g‗ri olishga tenglashtirish
mumkin. Ongsizlik ruhni harakatga keltiruvchi kuch manbaidan iborat, ularni
boshqarib turuvchi shakl yoki kategoriyalar esa arxitiplardir. Insoniyatning kuchli
g‗oya va tasavvurlarining barchasi arxitiplarga kiradi. Bu, ayniqsa, diniy
tasavvurlarga taalluqlidir. Lekin ko‗plab ilmiy, falsafiy va axloqiy tushunchalar
ham bundan mustasno emas. Ularning hozirgi shaklini qadimgi tasavvurlarning
variantlari deb qarash mumkin. Chunki, ongning funksiyasi aql darvozasi orqali
tashqi dunyoni anglash va bilishdan iborat emas, balki ichki dunyoni ijodiy
ravishda tashqi dunyoga aylantirishdan ham iboratdir. Xulosa qilib aytganda,
ongsizlik va onglilik inson yagona ruhiy faoliyatining nisbatan mustaqil bo‗lgan
ikki tomonidir. Ongsizlikda inson faoliyatini kuchaytirish, ayniqsa, sub‘ekt ijodiy
faoliyatining boy imkoniyatlari bor. Ong ongsizlikni vujudga keltirib inson xatti-
harakatlarining umumiy strategiyasini nazorat qilib borishga qodir. Garchi inson
xatti-harakatlari, xususan, uning sotsial xatti-harakati ong bilan belgilansa-da,
anglangan xatti-harakat faqat axloqiy, xulq- atvor aktlari bilangina chegaralanib
qolmaydi, unda ongsizlikka ham, albatta, o‗rin qoladi.
26
Inson ruhiyati kelib chiqishi, uning shakllanishi, takomili va rivojlanishida
ongsizlik birinchi, onglilik esa ikkinchi bosqich bo‗lib maydonga chiqadi. Lekin
ongning paydo bo‗lishi bilan ongsizlik unga qorishib ketmaydi, u ong bilan faol
aloqa qila boshlashi natijasida inson ruhiyatining tarkibiy qismiga, muayyan
darajasiga aylanadi. Insondagi va hayvondagi ongsizlik umumiylikka ega bo‗lishi
bilan birga muhim farqlarga ham ega. Odamda ongsizlik insoniylashadi va
ijtimoiylashadi, u o‗z tabiatiga ko‗ra biosotsial hodisaga aylanadi.
Dostları ilə paylaş: |