Təşkilatlarda işçi heyətinin idarə edilməsi sisteminin qurulması prinsipləri. İşçi heyətinin idarə edilməsi sisteminin qurulması prinsipləri həm universal və həm də konkret, spesifik (konkret şəraitə uyğun gələn) səciyyə daşıyır. Ayrı - ayrı ədəbiyyatlarda heyətin idarə edilməsi sisteminin qurulması prinsipləri müxtəlif qaydada təsnifata ayrılır. N.A.Solomatin bu prinsipləri əsasən aşağıdakı iki böyük qrupa ayırır.
1) heyətin idarə edilməsi sisteminin formalaşmasına olan tələbləri səciyyələndirən prinsiplər;
2) heyətin inkişafının əsas istiqamətlərinin idarə edilməsi sistemini müəyyən edən prinsiplər.
Heyətin strukturu və yarım sistemləri. Kadr siyasəti
Heyətin idarə edilməsində onun strukturunun formalaşması qanunauyğunluqlarının və ona təsir edən amillərin öyrənilməsinin böyük əhəmiyyəti vardır. Bəzi müəlliflər, o cümlədən A.P.Eqorşin heyətin struktur anlayışına daha geniş aspektdə yanaşı, onu firmaların təşkilatı strukturu ilə birlikdə izah edir. Əlbəttə, bu struktur növləri öz məzmununa görə bir - birindən əhəmiyyətli dərəcədə fərqlənirlər.
Firma və şirkətlərdə bir qayda olaraq aşağıdakı struktur növləri vardır:
1. Təşkilatı struktur.
2. Funksional struktur.
3. Rol strukturu.
4. Sosial struktur.
5. Ştat strukturu.
6. Bölmələrin strukturu.
7. İdarə aparatının strukturu.
8. Bölmələrin istehsal və flınksional strukturu.
İstər təşkilatın və istərsə də heyətin strukturunun müəyyən edilməsində müvafıq amillərin təsirini və müəyyən prinsipləri nəzərə almaq lazımdır. Təşkilatı strukturun qurulması prinsipləri aşağıdakılardır:
1. Çeviklik prinsipi.
2. İşçi və bölmələrin, şöbələrin funksiyalarının səmərəli mərkəzləşməsi prinsipi.
3. Funksiyaların ixtisaslaşması prinsipi.
4. Hüquq və məsuliyyətin vəhdətliyi prinsipi.
5. İdarəolunmalılıq prinsipi.
6. Xətti və funksional rəhbərliyin səlahiyyətlərinin fərqləndirilməsi, ayrılması prinsipi.
7. İdarəetmə strukturlarının qurulmasında və idarəetmə səviyyəsinin müəyyən edilməsində qənaətçilik prinsipi.
