Alanga-olovning ko`rinuvchi qismiga aytiladi. Alanga rangi turli xil bo`lib, yonayotgan narsaga bog`liq bo`ladi.
Alkogol modda- Alloma- (arab tilidan olingan) ilm-fanning bir yoki bir necha sohasini mukammal egallagan, ilmli, keng ma`lumotga ega bo`lgan odam.
Aluminiy-(Aluminium)ilk bor 1855-yilda Parijda bo`lib o`tgan jahon ko`rgazmasida kumushsimon 12 bo`lak oq metal ko`rinishida namoyish etilgan. U boshqa metalarga nisbatan yumshoq, oson eriydigan, kumushga o`xshagan, lekin undan ancha yengil. Ma`lum bo`lishicha, bu metall azaldan g`isht quyib kelingan oddiy loy tarkibida ham bor bo`lgan. O`sha vaqtda loy kumushi deb atalgan bu metall tez-tez uchrab turadigan tog` jinslaridan granit va basalt tarkibida ham bo`lgan. U tabiatda tarqalishi bo`yicha kislorod va kremniydan keyin uchinchi o`rinda turgan. Aluminiy va uning qotishmalari aviasozlik, suv osti qanotli kemalari, Yerning sun`iy yo`ldoshlarini qurishda ishlatiadi. Har qanday radiopriyonmik va televizorning ichida aluminiydan yasalgan detallar bo`ladi. Aluminiydan elektr simi, idish-tovoqlar, konfetlar oraladigan “zar qog`ozlar” va boshqa ko`pgina narsalar ishlanadi.
Amaliy ish- Amir Temur maqbarasi-Go‘ri Amir (14-asr oxiri — 1405 y.) — Samarqanddagi me`moriy yodgorliklaridan biri. Xalq orasida Go‘ri Amir yoki Go‘ri Mir (Mir Sayyid Baraka) deb nomlanib kelinadi. Maqbaraga temuriylar sulolasiga mansub kishilar (Amir Temur, uning piri Mir Sayyid Baraka, o‘g‘illari Umar-shayx, Mironshoh va Shohrux, nabiralari Muhammad Sulton, Ulug`bek va boshqalar) dafn etilgan. Boburning ta`kidlashicha, dastlab Temurning nabirasi Muhammad Sulton Mirzo Samarqand qal`asi janubida Toshqo‘rg‘on shaharda Madrasa qurdirgan. Muhammad Sulton halok bo‘lgach (1403), Amir Temur uning xotirasiga maqbara qurish haqida farmon berdi. Maqbara Madrasa hovlisining to‘riga bunyod etilgan.
Amu-Buxoro kanali- Buxoro viloyatidagi sug‘orish kanalidir. Amudaryoning o‘ng qirg‘og‘idan, Chorjo‘y shahri(Turkmaniston)dan 12 km yuqorida boshlanadi. Qizilqumdan o‘tib Buxoro vohasiga suv beradi. Birinchi navbati 1965 yilda, 2-navbati 1976-yilda qurilgan. Umumiy uzunligi 400 km. Suvni maksimal ko‘tarish balandligi 111m. Kanal Buxorodagi sug`oriladigan yerlarni suv bilan ta`minlaydi.
Amudaryo- O`rta Osiyodagi eng yirik va sersuv daryo. Amudaryoni qadimda yunonlar Oks deb nomlangan. Mahalliy xalq orasida daryo Jayhun nomi bilan mashhur.Daryoning uzunligi qariyb 2500 kilometr gat eng. Amudaryo hozirgi Tojikistonning Pomir togʻi etaklaridagi Panj va Vaxsh daryolarining birlashuvidan boshlanib Oʻzbekiston, Afgʻoniston va Turkmaniston hududlaridan oʻtadi va tobora qurib borayotgan Orol dengiziga quyiladi. Amudaryo – Turkiston o‘lkasidagi eng sersuv, yirik daryo.
