Iqtisodiy Protsessual huquqi modulidan oraliq nazorati 3-kazus O‘zbekiston Savdo-sanoat palatasi Surxondaryo viloyat hududiy boshqarmasi (bundan buyon matnda Palata deb yuritiladi) ATB “Asakabank” Termiz filiali (bundan buyon matnda – Bank filiali) manfaatida sudga da’vo arizasi bilan murojaat qilib, javobgar – “Altus omega” MChJ (bundan buyon matnda – javobgar) va “Eshon Guzar Savdo” MChJ (bundan buyon matnda – ikkinchi javobgar) solidar tartibda 286 659 595 so‘m kredit qarzi, 13 619 458 so‘m kredit foizini undirishni, undiruvni garovga qo‘yilgan mulklarga qaratishni hamda ushbu mulklarning kimoshdi savdosidagi boshlang‘ich bahosini belgilab berishni so‘ragan.
Birinchi instansiya sudining 2017 yil 5 noyabrdagi hal qiluv qarori bilan da’vo qisman qanoatlantirilib, javobgar va ikkinchi javobgardan solidar tartibda Bank foydasiga 268716876,79 so‘m asosiy qarz, 8065895,70 so‘m foiz, 4880517 so‘m qo‘shimcha foiz undirilgan. Undiruv javobgarga tegishli garovdagi mol-mulklarga qaratilib, uning kim oshdi savdosidagi boshlang‘ich narxi 375000000 so‘m deb belgilangan. Da’voning Bank filialiga nisbatan qismi bo‘yicha ish yuritish tugatilgan.
Kassatsiya shikoyatida sud tomonidan ish ikkinchi javobgar vakilining ishtirokisiz ko‘rib chiqilganligi, ikkinchi javobgar tegishli tartibda sud majlisi vaqgi va joyi to‘g‘risida ogohlantirilmaganligi bayon qilinib, hal qiluv qarorini bekor qilish so‘ralgan.
Ish hujjatlaridan ko‘rinishicha, ikkinchi javobgarga yuborilgan ajrim “Eshon Guzar Savdo” MChJ ushbu manzilda yo‘qligi sababli qaytib kelgan. Shuningdek, javobgar sud majlisida ikkinchi javobgar nomidan ham o‘zi qatnashishini ma’lum qilib sudga ishonchnoma taqdim etgan. Ishonchnoma “Eshon Guzar Savdo” MChJning bosh hisobchisi tomonidan imzolangan.
Vaziyatga huquqiy baho bering.
Ushbu kazusni yechimini izlashda uch qisimga bo’lib o’rganamiz
