1991-1995 yillar. Mamlakat yalpi ichki mahsuloti sur’atlarining keskin pasayishi. Bu davrda ijtimoiy-iqtisodiy rivojlanishning huquqiy-intitutsional asoslari yaratildi. Makroiqtisodiy barqarorlikni ta’minlash vazifasi hal etildi. Sanoatda bazaviy tarmoqlarni (asosan, neft va gaz) rivojlantirishga e’tibor qaratildi. Milliy valyuta – so‘m muomalaga kiritildi.
1996-2003 yillar. Milliy iqtisodiyot import o‘rnini qoplashni kengaytirish hisobiga rivojlantirildi. Bu davrda YAIMning pasayish sur’atlari to‘xtatildi va iqtisodiy o‘sishga erishildi.
2004-2016 yillar. Barqaror yuqori iqtisodiy o‘sish sur’atlarini ta’minlashga erishildi. Sanoat siyosatida eksportga yo‘naltirilgan siyosat dastaklari faol qo‘llanildi. 2005 yildan boshlab mamlakatda ishlab chiqarishni kompleks modernizatsiyalash va texnik jihatdan qayta qurollantirish amalga oshirila boshlandi.
2016 yildan hozirga qadar. O‘zbekistonda yaqin istiqbolda barqaror iqtisodiy rivojlanishni ta’minlashga qaratilgan iqtisodiy islohotlar va tarkibiy o‘zgarishlarni amalga oshirishning yangi davri boshlandi.
Shunday qilib, islohotlarning barcha yo‘nalishlari mavjud iqtisodiy tizimning izchillik bilan bozor iqtisodiyotiga o‘sib o‘tishiga qaratildi
2.4. O‘zbekistonda iqtisodiyotni erkinlashtirish va islohotlarni shuqurlashtirish vazifalari Respublikada bozor munosabatlariga o‘tish jarayonida: “Iqtisodiyotning barcha soha va tarmoqlarida erkinlashtirish jarayonini izchillik bilan amalga oshirish va olib borilayotgan islohotlarni yanada chuqurlashtirish, xo‘jalik yurituvshi sub’ektlarning mustaqilligini yanada oshirish, tadbirkorlik faoliyatini rivojlantirish yo‘lidagi mavjud to‘siqlarni bartaraf etish – bu sohadagi o‘zgarishlarning asosiy yo‘nalishlaridir”6.
Shunday qilib, respublikada iqtisodiy islohotlarni amalga oshirish iqtisodiyotda yangi bozor munosabatlariga asos soladi, iqtisodiy faoliyat erkinligi va tadbirkorlikni namoyon etish ushun sharoit yaratib beradi, ijtimoiy-ma’naviy sohadagi ijtimoiy kafolatlarni mustahkamlaydi.
O‘zbekistonda demokratik o‘zgarishlarni chuqurlashtirish va fuqarolik jamiyati asoslarini shaklantirishning asosiy ustuvor yo‘nalishlari sifatida quydagilarni qayd qilib o‘tish mumkin:
