«iqtisodiyot va turizm» kafedrasi

Kurs ishi mavzusining dolzarbligi. O’zbekiston Respublikasi turizmni rivojlantirishning istiqboldagi maqsadi - respublikaning milliy-madaniy tiklanishi, milliy iqtisodiyotning ustuvor tarmoqlaridan biri sifatida turizmni rivojlantirish borasidagi ijtimoiy-iqtisodiy va xo’jalik masalalarini hal qilishdir.
Prezidentimizning farmonlarida ‘Mamlakatimizda turistik resurslarni tadqiq qilish, ishga tushirish, bu resurslardan ichki va xalqaro turizmni rivojlantirishda muntazam foydalanishni yo’lga qo’yish’ - talablarini amalda bajarish hisoblanadi.
O’zbekiston Respublikasi Prezidentining 2003 yil 12 noyabrdagi ‘2006­2010 yillarda O’zbekiston Respublikasida xizmatlar sohasi va servisni jadal rivojlantirish haqida’ gi qarorilarining qabul qilinishi respublika hukumatida ushbu sohaga katta e’tibor qaratilayotganligini ko’rsatadi.
O’zbekiston qulay tabiiy-iqlim sharoitlariga, boy tarixiy, madaniy merosga va ayni paytda ham ichki, ham xalqaro turizmni rivojlantirish uchun yuqori salohiyatga ega. O’zbekistonni sharq va g’arbni bog’lab turuvchi ‘Buyuk Ipak yo’li’ dagi belbog’ sifatida yaxshi bilamiz.
Turizm sohasi oldida turgan asosiy vazifa - O’zbekistonning tabiiy iqlimiy, rekreatsion, ijtimoiy-iqtisodiy va tarixiy madaniy salohiyatini hisobga olgan holda ichki va xalqaro turizm ehtiyojini qondirishga yo‘naltirilgan yuqori rentabelli turistlik tarmoqni yaratishdan iborat. Yurtimizda “Turizm” sohasini takomillashtirish borasida muayyan ishlar amalga oshirilgan bo’lsa-da, bu borada qilinishi lozim bo’lgan ishlar dolzarb muammo bo’lib turibdi.
Mavzuning o’rganilish darajasi. Òzbekistonning turistik resurslari va ulardan samarali foydalanish yo’llari , joylashuv vositalari, ishtirok etuvchilar sonlari, tashkiliy shakllari, sayohatning uzoqliligi bo’yicha va boshqalarni hisobga olgan holda tasniflanishiga o’z e’tiborimni qaratdim.
Bu sohada ko’pgina yurtdoshlarimiz, xususan, I.S.Tuxliyev, Mirzayev Murod Ahmadjonovich, Aliyeva Mahbuba To’ychiyevna , M.N.Pardayev, R.Atabayev, F.S.Qulimurotov, X.Abdulqosimov, R.Xayitboyev. R.Amriddinova, N.E.Ibodullayev, kabilar o’zlarining ilmiy adabiyotlari, darsliklari va o’quv qo’llanmalarida atroflicha bayon qilganlar. Bundan tashqari Rossiyalik M.B. Birjakov, A.P.Durovich, V.A.Kvartalnov kabi mutaxasislarning ilmiy asarlaridan foydalandim. Albatta ushbu mavzuni o’rganish va tahlil qilishda mamlakatimiz Prezidenti I.A.Karimovning asarlari, farmonlari, qarorlari, qonunlari, nutqlari va suhbatlari asos qilib olindi. Ushbu mavzu yuqorida ta’kidlangan mualliflarning quyidagi ilmiy ishlariga tayanadi: “Samarqand Iqtisodiyot va Servis Instituti” ‘Xalqaro turizm va turizm servisi’ kafedrasi I.S.Tuxliyev “Turizm asoslari ” fanidan o’quv qo’llanma, Samarqand 2010.; “Toshkent Davlat Iqtisodiyot Universiteti” Mirzayev Murod Ahmadjonovich, Aliyeva Mahbuba To’ychiyevna “Turizm asoslari fanidan” o’quv qo’llanma, Toshkent 2011.; “Samarqand Iqtisodiyot va Servis Instituti” M.N. Pardayev, R.Atabayev ma’ruzalar matni, Samarqand 2007.; “Toshkent davlat iqtisodiyot universiteti” F.S. Qulimurotov, ”Turizm infratuzilmasi”, o’quv qo’llanma. -Toshkent 2007.; “Samarqand iqtisodiyot va servis instituti” R.Xayitboyev. R.Amriddinova - “Turizmning maxsus turlari”, uslubiy qo’llanma. Samarqand 2008.; “Samarqand Iqtisodiyot va Servis Instituti” N.E.Ibodullayev - “O’zbekistonning turistik resurslari” (ma’ruzalar matni), Samarqand, 2008.; X.Abulqosimov. “O’zbekistonda turizmni rivojlantirish muammolari va istiqbollari”. Magistirlik dissertatsiyasi. TDIU 2005 - 81 b. Rossiyalik mutaxasislar: M.B. Birjakov ‘Vvedeniye v turizm’ Izdatelstvo dom Gerda, 2006.; A.P. Durovich ‘Organizatsiya turizma’ Moskva 2005;