Ishga marhamat

Samarqand 2021
O'ZBEKISTON RESPUBLIKASI BANDLIK VA MEHNAT MUNOSABATLARI VAZIRLIGI
SAMARQAND SHAHAR “ISHGA MARHAMAT” MONOMARKAZI
Tadbirkorlik va biznes asoslari
Mavzu: Tadbirkorlikning moliyaviy manbalari va hozirda mavjud kreditlar

Har qanday tadbirkorlikni boshlashdan oldin, albatta ma`lum ma`noda mablag` muammosiga duch kelamiz va pulsiz ko`zlangan maqsadga erishish juda qiyin kechadi yoki iloji bo`lmaydi.

Biznesni moliyalashtirish manbalari

• 1. O`z sarmoyasini investitsiyalash yo`li bilan moliyalash:
• -shaxsiy jamg`armalar;
• -oila a`zolari va do`stlarning bergan qarzlari;
• -bir yoki bir necha sheriklarni jalb qilish.
• 2. Moliya kredit muassasalarining qarzlari:
• -kreditlar.

Kredit-bu pulning egasi bilan uni haq to`lash sharti bilan qarzga olib ishlatuvchi va ular o`rtasida turgan vositachilarning iqtisodiy munosabatlaridir.
Kredit munosabatining ob`yekti va sub`yekti bo`ladi.
Kredit ob`yekti bu qarzga berilishi mumkin bo`lgan pul, ya`ni kredit resursidir. Bu ham moliyaviy resurs hisoblanadi.
Kredit sub`yekti – bu kredit aloqalarining ishtirokchilari bo`lib, pulning egalaridan va vositachilik qiluvchilardan iborat bo`ladi. Pulni qarzga beruvchi kreditor deyiladi.
Kredit tamoyillari quyidagilardan iborat:
1. Kredit ma`lum maqsadga beriladi. 2. Kredit aniq bir muddatga beriladi. 3. Kredit uchun haq to`lanadi, bu foiz deb ataladi. 4. Kredit puli albatta qaytarib berilishi shart. 5. Kreditning o`z vaqtida qaytarilishi iqtisodiy jihatdan kafolatlanishi kerak
Foiz- kreditning bozor narxi bo`lib, qarz pulidan vaqtincha foydalanganlik uchun to`lanadigan haq sifatida namoyon bo`ladi.