Qaymog`ini olish siyosati – bunda narx qandaydir bir yuqori darajada belgilanadi, mahsulot esa segmentatsiya natijasida asosiy deb e’tirof etilgan bozorda sotiladi.
346
Kirib olish siyosati –
past narxlarni joriy qilish va katta hajmli tovar oborotini amalga oshirishni ko’zda tutadi. Ishlab chiqarish rejasi –
korxona faoliyatining asosiy ishlab chiqarish ko’rsatkichlarini aniqlashtirish va bajarilishini nazorat qilishni ko’zda tutadi. Tayyor mahsulot –
standartlar yoki texnik shartlarga muvofiq to’liq tayyorlangan, texnik nazoratdan o’tgan va tayyor mahsulot omborxonasiga topshirilgan buyumlardir. Yarim fabrikatlar –
texnologik jarayonning bir qismidan o’tgan, lekin keyingi sexda ishlovdan o’tishi yoki yig’uv sexida foydalanilishi lozim bo’lgan mahsulotlardir. Tugallanmagan ishlab chiqarish –
sexda ishlov berishi tugallanmagan, ish o’rnida ishlovdan o’tayotgan, ish o’rinlari orasida harakatlanayotgan, texnik nazoratda turgan mahsulotlardir. Tovar mahsulot – hisobot yilida ishlab chiqarilgan va sotishga mo’ljallangan mahsulotdir. Tovar mahsulot tarkibiga tayyor mahsulotlar, sotishga mo’ljallangan yarim fabrikatlar, buyurtma asosida bajarilgan sanoat xarakteridagi ishlar, ta’mirlash ishlari, ehtiyot qismlar qiymati kiritiladi. Ishlab chiqarish quvvati – barcha mavjud iqtisodiy resurslardan ilg’or texnologiya, mehnatni tashkil etishning ilg’or usul va shakllarini qo’llash orqali ishlab chiqarilishi mumkin bo’lgan mahsulot ish va xizmatlarning maksimal miqdoridir. Nazariy quvvat – ideal ish sharoitida erishish mumkin bo’lgan xo’jalik operatsiyalari hajmini ifodalaydi. Ushbu quvvat texnik jihatdan erishish mumkin bo’lgan quvvatdir.
