Iv guruh kationlari analitik reaksiyalari

2. Ammiak eritmasi xrom (III) ioni bilan Cr(OH)₃ cho'kmasini hosil qiladi. To'la cho'kish pH~6 bo'lganda amalga oshadi. Ammiakli bufer aralashma muhitida ham to'la cho'kishga erishiladi.
3. Kuchsiz kislotalarning tuzlari xrom (III) ioni bilan gidroliz reaksiyalari tufayli Cr(OH)₃ cho'kmasini hosil qiladi (alyuminiyning shunday reaksiyalariga qarang).
4. Natriy atsetat alyuminiy va temir (III) ionlaridan farqli ravishda xrom (III) ionini hatto eritma qaynatilganda ham cho'ktirmaydi.
A1³⁺ va Fe³⁺ ionlar ishtirokida hosil bo'ladigan cho'kma ham xromning to'liq cho'kishini ta'minlamaydi.
5. Natriy gidrofosfat bilan xrom (III) ioni xrom (III) fosfat cho'kmasini hosil qiladi. Hosil bo'lgan cho'kma kislota va ishqorlarda eriydi.
6. Xrom (III) ionini oksidlash natijasida xrom (VI) ioni hosil bo'ladi. Xrom (III) va xrom (VI) ionlarning ranglari har xil bo'lganligi sababli oksidlanish reaksiyasidan xrom (III) ionini topishda foydalanish mumkin. Xrom (III) ionini ishqoriy muhitda oksidlaganda xromatlar (sariq rangli eritma), kislotali muhitda oksidlaganda esa dixromatlar (to'q sariq rangli eritma) hosil bo'ladi.
Ishqoriy muhitda oksidlashda H₂O₂, Na₂O₂ va bromli suv singari oksidlovchilar ishlatiladi:
Cr³⁺ + 3OH^-→ Cr(OH)₃↓
2Cr(OH)₃ + 3H₂O₂ + 4NaOH → 2Na₂CrO₄+8H₂O
2Cr(OH)₃ + 3H₂O₂ + 4OH→2CrO₄² + 8H₂O
2NaCrO₂ + 3H₂O₂ + 2NaOH → 2Na₂CrO₄ + 4H₂O
Reaksiyani bajarishda 2-3 tomchi xrom (III) tuzi eritmasiga 3-4 tomchi 2 N NaOH, 2-3 tomchi 3 %li H₂O₂ tomizib, eritmaning yashil rangi sariqqa o'tguncha qizdiring.
Kislotali muhitda oksidlash uchun oksidlovchi sifatida nitrat yoki sulfat kislota ishtirokida KMnO₄, (NH₄)₂S₂O₈ yoki NaBiO₃ qo'llanadi. Bunda nitrat kislotali eritmada yashil yoki binafsha rangli eritma to'q sariq rangga kiradi:
2Cr(NO₃)₃+3NaBiO₃+4HNO₃ →Na₂Cr₂O₇+NaNO₃+3Bi(NO₃)₃+2H₂O