Izlanishlar, yechimlar
Yüklə 3,74 Mb. Pdf görüntüsü
|
|
195
XALQ TA’LIMI: MUAMMOLAR, IZLANISHLAR, YECHIMLAR oylarida “Ayollar daftari”ni shakllantirish bo‘yicha 6,5 million nafar xotin-qizlar bilan muloqotlar o‘tkazilgan va uning yakunlari bo‘yicha 432 781 nafar ayollar daftarga kiritilgan. Jumladan: - ijtimoiy himoyaga muhtoj ishsiz xotin-qizlar–253 210 nafar; - boquvchisini yo‘qotgan ehtiyojmand xotin-qizlar–36 730 nafar; - ijtimoiy yordamga muhtoj I va II guruh nogironligi bo‘lgan xotin-qizlar - 29 072 nafar; - uy-joyini ta’mirlashga muhtoj I guruh nogironligi bo‘lgan xotin-qizlar– 4 252 nafar; - noturar-joylarda istiqomat qilayotgan, o‘zining yoki birgalikda yashovchi oila a’zolarining nomida turar joy mavjud bo‘lmagan xotin-qizlar–9 223 nafar; - qaramog‘ida bir va undan ortiq I va II guruh nogironligi bo‘lgan bolalari mavjud yolg‘iz xotin-qizlar–8 112 nafar; - tibbiy himoyaga muhtoj ehtiyojmand xotin-qizlar–44 113 nafar; - huquqiy yordam olishga muhtoj xotin-qizlar–24 664 nafar; - psixologik maslahatga muhtoj xotin-qizlar–23 405 nafar. - Yil yakuniga qadar “Ayollar daftari”ga kiritilgan xotin-qizlar bilan manzilli ishlash, ularning bandligini ta’minlash maqsadida quyidagi vazifalar belgilandi: - 131 274 nafar xotin-qizlarning bandligini ta’minlash choralari ko‘riladi; - 36 394 nafar xotin-qizlar kasb-hunarga va hayotga ruhlantirish (motivatsiya berish) bo‘yicha o‘qitiladi; - 15 665 nafar xotin-qizlarga tomorqadan daromad manbayi sifatida foydalanish uchun ko‘maklashiladi; - 69 877 nafar xotin-qizlar tadbirkorlikka jalb etiladi va ularga kredit olishga ko‘maklashiladi. Hozirgi kunga qadar “Ayollar daftari”ga kiritilgan xotin-qizlar bilan manzilli ishlash bo‘yicha belgilangan vazifalardan quyidagilar amalga oshirildi: - 131 274 nafar xotin-qizlardan 34 770 nafarining bandligi ta’minlandi; - 36 394 nafar xotin-qizlardan 12 485 nafari kasb-hunarga va hayotga ruhlantirish (motivatsiya berish) bo‘yicha o‘qitildi; 196 A.AVLONIY NOMIDAGI XALQ TAʼLIMI MUAMMOLARINI O‘RGANISH VA ISTIQBOLLARINI BELGILASH ILMIY-TADQIQOT INSTITUTI - 15 665 nafar xotin-qizlardan 2 023 nafariga tomorqadan daromad manbayi sifatida foydalanish uchun ko‘maklashildi; - 69 877 nafar xotin-qizlardan 8 000 nafari tadbirkorlikka jalb etildi va ularga kredit olishga ko‘maklashildi. Davlatimiz xotin-qizlar bandligini ta’minlash bo‘yicha ularni nafaqat mamlakatimizda, balki xalqaro mehnat bozorida xaridorgir bo‘lgan kasb- hunarga o‘qitish, oilali va yosh bolali ayollarni ijtimoiy qo‘llab-quvvatlashning huquqiy asoslarini ishlab chiqdi hamda amaliyotga keng tadbiq etib kelmoqda. Endigi vazifa esa xotin-qizlarning o‘z imkoniyatlarini kengroq ishga solgan holda kambag‘allikdan chiqib ketishga astoydil harakat qilishi kerakligini yuzaga chiqardi. Bu borada buyuk mutafakkir shoirimiz Mir Alisher Navoiy o‘z davrida yoshlarga murojaat qilib, “Quyoshliq istasang, kasbi kamol et”, deb yozganlar. Chindan ham, odamlarga quyoshdek beminnat nur taratishni, yaxshilik qilishni istaydigan inson, kamolotga intilib, turli ilm va kasb-hunarlarni o‘zlashtirishi lozim. Shu nuqtayi nazardan xotin-qizlar ham o‘z turmushining farovon bo‘lishini ta’minlashga harakat qilishlari talab etiladi. Davlatimiz tomonidan yaratilayotgan shart-sharoitlar va berilayotgan imkoniyatlardan unumli foydalangan holda daromad manbaiga ega bo‘ladigan kasb-hunarni egallashlari va shu orqali hech bo‘lmaganda o‘zining iste’moli uchun kerak bo‘ladigan daromadni topishga intilishlari kerak bo‘ladi. Chunki bugungi pandemiya sharoitida iqtisodiy o‘sish sur’atlari mamlakatimizdagi mehnatga layoqatli bo‘lgan har bir fuqaroning bandligi bilan ham bog‘liq bo‘lib qoldi. Shuning uchun ham bugungi kunda xotin-qizlarni xaridorgir bo‘lgan kasb-hunarga o‘qitish dolzarb masala sifatida o‘rganildi. |