Ájiniyaz atíndaǵÍ NÓkis mámleketlik pedagogikalíq institutí “Tastıyıqlayman” Túrkiy tiller fakulteti dekanı B. Davletov 2021-jıl «MÁmleketlik tilde is júrgiziw»

Tıńlandı: topar basshısı S.Baymanov. Ol óz sózinde «Qaraqalpaq patriotları, xalıq batırları kimler?» temasında tómendegishe maǵlıwmatlardı jetkerdi:
Qallı Ayımbetov – f.i.d., professor. 1908-jılı Shımbay rayonında tuwılǵan, 1938-1940-jılları Qaraqalpaqstan Xalıq bilimlendiriw komissarı, til hám ádebiyat institutı direktorı lawazımlarında islegen. 1941-jılı 97-qaraqalpaq milliy brigadasın shólkemlestiriwge hám jawıngerlerdi urısqa tayarlawǵa belsene qatnasqan. Ol batolon komissarı, diviziya siyasiy bóliminiń instruktorı xızmetlerin atqarıp Avstriya, Vengriya, Rumıniya, Yugoslaviya mámleketlerin azat etiw sawashlarında erlik kórsetken. Qallı Ayımbetov 1973-jılı qaytıs boldı.
Nájim Dáwqaraev – f.i.d., professor. 1905-jılı tuwılǵan. Respublikamızda teatr, xalıq dóretiwshiligi, dramaturgiya tarawın rawajlandırıwda, sonday-aq Qaraqalpaqstanda til, ádebiyat hám tariyx ilimiy institutın shólkemlestiriwde úlken xızmet etken. 1944-jılları sol institutta direktor lawazımında jumıs islegen. Sol jılı Nájim Dáwqaraevqa Ózbekstan Respublikasına miyneti sińgen muǵallim ataǵı berilgen. Nájim Dáwqaraev 1953-jılı qaytıs bolǵan.
Jumek Orınbaev – p.i.d., professor. 1906-jılı Shımbay rayonında tuwılǵan.
1942-1945-jıllar aralıǵında Qaraqalpaq mámleketlik muǵallimler instiutınıń direktorı lawazımında jumıs islegen. Joqarı mamanlıqtaǵı muǵallim kadrlardı tıyarlawda minsiz xızmetleri ushın Ózbekstan hám Qaraqalpaqstan Respublikasına miyneti sińgen ilim ǵayratkeri ataǵı berilgen. Jumek Orınbaev 1980-jılı qaytıs bolǵan.
Aytjan Esemuratov – docent. 1912-jılı Shımbay rayonında tuwılǵan. 1937-1938-jılları muǵallimler institutınıń qaraqalpaq tili hám ádebiyatı fakultetin tamamlaǵan. Sońınan QQMPI pitkergen. Kafedra baslıǵı, fakultet dekanı lawazımlarında jumıs islegen. Miynetleri ushın Ózbekstan hám Qaraqalpaqstan Respublikasına miyneti sińgen muǵallim, «Miynet Qızıl bayraq» ordeniniń kavaleri ataqları berilgen.
Mine, talabalar, sizlerge muǵallim qahramanlar haqqında qısqasha sholıw jasadıq. Endi sizler mına sorawlarǵa ózlerińizshe juwap qaytarasız:
1. Xalqımızda «Jerdiń atın el shıǵaradı, eldiń atın er shıǵaradı» degen naqıl bar, naqılda qanday máni bar?
2. Bizler er júrek, aybatlı, batır dep kimlerdi aytamız?
Talabalar Plis Nurpeysov, Orazbay Jumaniyazov, Maqash Balmaǵambetov, Máteke Djumanazarov, Sabur Kamalov, Pirjan Seyitovlardıń qaharmanlıqları haqqında óz pikirlerin bildirdi. Sáwbetlesiw júdá unamlı hám mazmunlı boldı.
Qarar:

1. 
   Topar basshısı S.Baymanovtıń «Qaraqalpaq patriotları, xalıq batırları kimler?» temasındaǵı bayanatı maǵlıwmat ushın qabıllansın.
   
2. 
   Talaba jaslarǵa:
   
   1. 
      Xalıq batırları haqqında bunnan basqa da maǵlıwmatlar jıynaw tapsırılsın.
      
   2. 
      Xalıq arasındaǵı batırlardıń turmısın úlgi alıw úyrenilsin.