Kadrlar tayyorlash Milliy Dasturi

Laboratoriya ishi. Psixogeometrik test.

Maqsad: Psixogeometrik test yordamida shaxsni o’rganish, uning xususiyatlarini tahlil qilish
Kerakli jihozlar: metodika namunasi, javoblar varaqasi
Psixogeometriya – shaxsni o’rganish uning xususiyatlarini tahlil qilishning qulay usulidir. A.Alekseev va L.A.Gromovalarning fikricha bu metodika:

1. 
   Shaxs tipini tezkor aniqlaydi.
   
2. 
   Shaxs xususiyatlari va hatti harakatining o’ziga xosligini tushunarli, aniq izohlab beradi.
   
3. 
   Tipik holatlarda shaxsning o’zini tutishi bo’yicha hatti-harakatlar tizimi qanday bo’lishi haqida ma’lumot beradi. Psixogeometriya usul sifatida Amerikada shakllangan, uning muallifi rahbar xodimlarni ijtimoiy – psixologik tayyorlash bo’yicha mutaxassis Syuzen Dilinger hisoblanadi. Bu metodikaning aniqlik darajasi 85% gacha tashkil etadi. (Sizga havola etilgan test milliy sharoitga moslashtirilgan).
   

1 2 3 4 5

Ko’rsatma: Qog’ozga chizilgan 5-ta geometrik shakllarga qarang (kvadrat, uchburchak, doira, zigzak, to’rtburchak). Mazkur shakllardan birini tanlang (faraz qiling bu shakl Siz!). O’z shaklingizni his qilishga harakat qiling. Agar bunga qiynalsangiz, sizni ko’proq qiziqtirgan shaklni tanlang va uning nomini birinchi yozing. Endi qolgan shakllarni yoqtirganingiz darajasiga asosan tartib bilan yozib chiqing.
Demak, ishning eng qiyin qismi tugadi. Sizning sub’ektiv tanlagan asosiy shaklingiz xarakter xususiyatlaringiz va hatti harakatlaringiz mohiyatini aniqlash imkonini beradi. Boshqa shakllar esa doimiy sifatlaringiz to’g’risidagi ma’lumotlarni to’ldiradi. Oxirgi shakl o’zaro munosabatlar siz uchun og’ir kechadigan kishilar tipiga tegishli. Birorta ham shakl sizga yoqmasligi, yoki to’g’ri kelmasligi ham mumkin. Shunda sizning shaxs xususiyatlaringizni ikki, hatto uchta shakl guruhlari asosida izohlashga to’g’ri keladi.

Kvadrat

Kvadratlar eng avvalo o’zlarining mehnatsevarligi, sabr, toqat bilan boshlagan ishni oxiriga yetkazish xususiyatlari bilan ajralib turadilar. Sabr-bardoshlilik, chidam kvadratni o’z sohasining usta mutaxassisi bo’lib yetishishiga olib keladi. Yangi informatsiyaga (axborotga) bo’lgan extiyojning yuqoriligi ham bunga yordam beradi. Kvadratlar har xil ma’lumotlarni to’plab yuradilar, ularni tartibga solib, sistemalashtiradilar, shuning uchun ular zarur informatsiyani darhol topib berishlari mumkin.
Darhaqiqat kvadratlar o’z sohasiga tegishli ma’lumotlar manbai hisoblanadilar. Ularning yana bir kuchli tomonlari, fikriy tahlil hisoblanadi. Agar siz o’zingiz uchun kvadratni tanlagan bo’lsangiz, sizda chap yarim sharlar faolroq hisoblanadi, ya’ni sizda informatsiyani ketma-ket tartib bilan qayta ishlash izchil a-b-v-g va h.k. tarzda kechadi.
Kvadratlar natijani taxminan emas, aniq hisoblaydilar. Ular hodisa va voqealarga juda e’tiborli. Tartib, intizomni xush ko’radilar. Kvadratlar rejali, aniq maqsadli hayotni yoqtiradilar, voqealarning odatiy kechishidagi o’zgarishlarni yoqtirmaydilar. Ular doimo odamlar va atrofidagi narsalarni tashkillashtiradilar (tartibga soladilar). Bu xususiyatlar kvadratlarni yaxshi ish yurituvchi, ijrochi bo’lishlarini ta’minlaydi. Lekin afsuski ulardan yaxshi ish beruvchi, menedjer chiqishi qiyinroq. O’ta mayda-chuydalarga e’tibor, aniqlik kiritish uchun qo’shimcha ma’lumotlar asosida qaror qabul qilish, ularning tezkorligini susaytiradi. O’ta tartiblilik, qonun-qoidaga aniq rioya qilish ularda o’ta kuchlidir. Qaror qabul qilishda ayniqsa, tavakkal ish tuta olmaydilar.
Kvadratlardagi sovuqqonlik, hissiyotga berilmaslik, aniqlilik har xil odamlar bilan aloqada bo’lishini qiyinlashtiradi.