«SHAXS KARTASINI» TO‘LDIRISH UCHUN MO‘LJALLANGAN KO‘RSATMALAR BAYONI Qaydnomadagi birinchidan to‘rtinchi savolgacha tushuntirish va baho
qo‘yish
talab qilinmaydi.
5. Sog`lig`ini baholash : 5-«a‘lo» darajada; 4-sog`lig‘i
asosan bezovta qilmaydi; 3-
ba‘zan tez o`tadigan kasalliklarga chalinib turadi; 2-ishlash va o`qish qobiliyatiga
ayrim asoratli kasalliklar ta‘sir qiladi; 1-asoratli kasalliklari ko`p va ular ishlash
qobiliyatiga katta salbiy ta‘sir qiladi.
6. Jismoniy chiniqish va unga munosabati quyidagicha baholanadi: 5- sport
bilan muntazam shug`ullanadi, «razryadi» ham bor; 4-bola sport bilan muntazam
bo`lmasada, qiziqish bilan shug‘ullanadi; 3-faqat ertalabki badantarbiya bilan
shug‘ullanadi; 2-sport bilan juda kam shug`ullanadi; 1-sport bilan mutlaqo
shug`ullanmaydi.
7. Oila sharoiti: 5-har tomonlama barkamol; 4-barkamol, lekin hamisha ham
qoniqtirmaydi; 3-mavhum,
aniq aytish qiyin (yaxshi ham deb bo`lmaydi, yomon
ham); 2-tarbiyaviy iqlim o`rtacha, ko`ngilsiz holatlar uchrab turadi; 1-salbiy
vaziyatlar juda ko`p uchraydi va bola tarbiyasiga salbiy ta‘sir qila boradi.
8. Sinf jamoasi yoki tengdoshlari orasida tutgan o`rni : 5-sinfda eng yaxshi
obro‘ga ega. Hamma tengdoshlari uni hurmat qiladi. Sinfda ijobiy lider
hisoblanadi; 4-tengdoshlari orasida yaxshi obro‘ga ega; 3-jamoada o`rtacha
mavqega ega; 2-ba‘zi tengdoshlari bilan hamisha janjallashib yuradi; 1-ko`pchilik
tengdoshlari bilan til topisha olmaydi.
9. Qobiliyatlarning namoyon bo`lishi . Shaxsning muayyan faoliyatini
muvaffaqiyatli egallashi, shuningdek uni ijodiy ravishda amalga oshirishning
shartlari hisoblangan xususiyatlariga qobiliyat deyiladi. Kishi qobiliyatlari ikkita
asosiy turga: maxsus qobiliyatlar va umumiy qobiliyatlarga bo`linadi
. Kasbiy
faoliyatning faqat ayrim turlarida (masalan, musiqa, matematika, sport va
boshqalar) namoyon bo`ladigan qobiliyatlarni maxsus qobiliyatlar deb ataydilar.
Intellektual qobiliyatlar (ziyraklik va topqirlik diqqatning taqsimlanishini, biror
mavzuni tez esda qoldirish, aqlning o`tkirligi va boshqalar) umumiy qobiliyatlarga
misol bo‘la oladi.
O`quvchida mazkur sifatlarning bor-yo`qligi va qay darajada namoyon
bo`lishiga qarab ko`rsatilgan har bir yo`nalishga (9.1dan 9.9 gacha) quyidagicha
baho berish mumkin:
5- mazkur sohaga oid qobiliyatlarning yaqqol namoyon bo`lishi;
4- qobiliyatlarning qisman bo‘lsada ifodalanishi bilan boshqalardan ajralib turishi;
3- mazkur sohaga oid qiziqish, ko‘nikma va malakalarning namoyon bo`lishi;
2- qobiliyatning yo`qligi, malakalarning yetarli emasligi;
1- mazkur faoliyatga nisbatan qobiliyatsizlik va qiziqishlarning yo‘qligi.
