Qan-damar sistemi açıqdır. Qan lakunlar və sinuslararası dövr edir. Buna görə də əksər molyusklarda kiçik qan damarları və kapilyarlar olmur, ya da çox zəif inkişaf edir. Ürək perikardial boşluqda və ya ürəkətrafı boşluqda yerləşmişdir, qulaqcıq və mədəcikdən ibarətdir. Perikardial boşluq selomun qalığıdır.
İfrazat sistemi metanefridial quruluşdadır. Böyrəklər və ya nefridilər selomoduktlardır.
Böyrəklər nefrostom adlanan qıfla perikardial boşluğa, nefropor adlanan dəliklə mantiya boşluğuna, oradan da xarici mühitə açılır. Adətən, nefridilərin sayı qəlsəmələrin sayına uyğun gəlir.
Sinir sistemi ibtidai quruluşlu formalarda udlaqətrafı həlqədən və ondan uzanan iki cüt sinir sütunundan (yan və pedal) ibarətdir. Sinir sütunları sinir telləri – komissurlar vasitəsilə bir-birilə əlaqələnir. Sinir sütunlarından çoxlu yan şaxələr ayrılır, lakin sinir düyünləri olmur.
Yüksək inkişaf etmiş molyusklarda sinir sistemi bədənin müxtəlif yerlərində (baş, gövdə, ayaq) yerləşən sinir düyünlərindən ibarətdir. Bu sinir düyünləri bəzi qarınayaqlılarda və başayaqlılarda 5 cüt, lövhəqəlsəməlilərdə isə 3 cütdür və konnektivlər vasitəsilə bir-birilə əlaqələnir.
Yumşaqbədənlilər ancaq cinsi yolla çoxalırlar. Həm müxtəlifcinsli və həm də hermafrodit formaları vardır.
Sinif Qarınayaqlılar və ya ilbizlər – Gastropoda
Sinif Lövhəqəlsəməlilər və ya ikitaylılar - Lamellibranchiata və ya Bivalvia
Sinif Başayaqlılar - Cephalopoda
Dostları ilə paylaş: |
