Keyingi yillarda Respublikamizda qishloq xo‘jaligini rivojlantirish va yetishtirish bo‘yicha hamda qishloq xo‘jalik xom ashyolarini qayta ishlashga qaratilgan bir qator qonunlar qabul qilinib, amalda tadbiq etilmoqda

MEZ-350 lentali ekstraktorning lentasini uzunligi 14,4 m, lenta ustidagi ekstraktsiyalanayotgan xom ashyoni kengligi 2,.4 m, qalinligi ya‘ni lenta ustidagi balandligi 0.8 dan 1,2 m gacha. Xom ashyoni ekstraktsiyalanish vaqti 170-190 min, berilayotgan benzin miqdori 5-6 m³/soat, mistsellani kontsentratsiyasi 25-30 %, mistsella tarkibidagi quyuqa miqdori 0,03 %, ekstraktorning ish unumdorligi 380 ton sutkaga teng.

Hozirgi vaqtda ishlab chiqarishda ishlatilib kelinayotgan eng zamonaviy ekstraktor bu karuseli «Ekstexnik» ekstraktori bo‘lib, u tsilindrsimon korpus, rotor, g‘alvirsimon ostki qism,mistsella tarqatgich va mistsella yig‘gichdan tashkil topgan. Rotor 18 ta sektsiyaga bo‘lingach, sektsiyadagi ekstraktsiyalanayotgan xom ashyoni balandligi 1,0-1,6 m, qurilmaning ish unumdorligi 1200 t/sutka. Mistsellaning kontsentratsiyasi 20 %, ekstarktsiyalash vaqti 0,5-2 soat. Shrotning qoldiq moyliligi 1 %.

Aralash usulda ishlaydigan qurilmalarida xom ashyo erituvchiga botirish va ko‘p bosqichda sug‘orish usullarida ekstraktsiyalanadi. Bunda birinchi bosqichda xom ashyo maxsus qurilmada mistsellaga botirilib aralashtiriladi, xom ashyo tarkibidagi moyni mistsellaga o‘tishini tezlashtiradi. Xom ashyoni oxirigacha moysizlantirish ikkinchi bosqichda boshqa qurilmada toza erituvchini ko‘p bosqichda sug‘orish usulda yuvish orqali amalga oshiriladi. Bu bosqichda mistsella o‘z-o‘zidan filtrlanadi. Bu usulda olingan mistsella yuqori kontsentartsiyali va toza bo‘ladi.